Татарстан Республикасы мәктәп компанияләренең Яңа ел хәйрия ярминкәсе

2021 елның 17 декабрендә 13-00 сәгатьтән 18-00 сәгатькә кадәр «КидСпейс» балалар шәһәре мәйданчыгында Татарстан Республикасы мәктәп бизнес-компанияләренең традицион Яңа ел хәйрия ярминкәсе узачак. Быел яшь эшкуарлар, Бөгелмә укучысына Израильдә дәвалану узарга ярдәм итү өчен, үз компанияләренең продукциясен сатачаклар. Марсель Сәлахетдинов саркомага каршы көрәшә. 

Мәктәп компанияләренең беренче ярминкәсе 2010 елда Татарстан Республикасы Сәүдә-сәнәгать палатасында узган иде. Быел чара «Ак барс Арена»да «Кидспейс» балалар шәһәрендә уза.

Ярминкәдә Казаннан, Болгардан һәм Минзәләдән 12 мәктәп компаниясе катнаша. Балалар үзләре җитештергән продукцияне – яңа ел уенчыклары, сувенирлар сый-нигъмәтләр сатачак. Керемнең бер өлешен һәр компания хәйрия максатларына тапшырачак. Быел Ярминкәгә хәйрия җыены «Ак Барс Созидание» фонды аша Марсель Сәләхетдиновка тапшырылачак. Хәзер ул саркома белән Израиль клиникаларының берсендә дәвалана.

«Ярминкәгә инде 12 яшь. Әгәр дә элек без, нигездә, хәйрия эшендә катнашу өчен кешеләрне чакыра торган булсак, һәм бу төп юллама булып торса, хәзер мин барысын да чын күңелдән чыннан да текә товарлар сатып алырга өндим! Безнең мәктәп компанияләре ясаган әйберләр сыйфаты буенча «өлкән» компанияләр продукциясеннән бер дә калышмый. Ярминкәнең чын фанатлары аның бәйрәмгә бүләкләр сатып алуның бик яхшы һәм күңелле ысулы булуын күптән аңлады. Ә балалар өчен бу бизнесның социаль җаваплылыгын аңлау, яңа ел алдыннан яхшы эшләр һәм бәйрәм төсмере эстәүгә үзеннән өлеш кертүнең иң яхшы ысулы. Яшь эшкуарларга ярдәм итү, яңа ел сувенирлары сатып алу һәм яхшы гамәл кылу өчен килмичә калмагыз», – дип сөйләде «Яшьләр казанышлары» Казан үзәге иҗтимагый оешмасы башкарма директоры Ләлә Бикчәнтәева

Үткәрү урыны: «КидСпейс» балалар шәһәре (Ямашев проспекты, 115А, Казан, Ак Барс Арена стадионы, С секторы)

Ярминкәнең эш вакыты: 17 декабрь (җомга), 12.00-18.00 (тантаналы ачу – 13.00 сәгатьтә)

Чара «Кече һәм урта эшкуарлык һәм шәхси эшкуарлык инициативасына ярдәм» илкүләм проектын гамәлгә ашыру кысаларында гамәлгә ашырыла.