Казанда илкүләм проект буенча кулинария мастер-классы узды
14 октябрьдә «Минем бизнес» төбәк үзәге һәм Татарстан Республикасы Икътисад министрлыгына караган Эшкуарлыкка ярдәм фонды тарафыннан үзмәшгульләр, шул исәптән кулинария сәнгате белән шөгыльләнүчеләр, өчен бушлай кулинария мастер-классы оештырылды.
Чараны шеф-кондитер Мария Петрова, кондитер сәнгате укытучысы, «Мари Мадлен» кондитер студиясенә нигез салучы, кондитер курсларын оештыручы Мария Петрова үткәрде. Ул кызыклы десертлар әзерләү серләре белән уртаклашты. Мастер-класс кысаларында катнашучылар эксклюзив кондитер әйберләре әзерләде.
Мастер-класста катнашучыларның берсе Айгөл Зверева Зеленодольсктан килгән иде. Узган ел үзмәшгуль кеше грант алган һәм кофейня ачкан. Бизнесмен сүзләренчә, мондый мастер-класслар аның өчен бик кызыклы һәм файдалы, чөнки каһвәдән тыш, аның кофейнясында үзе җитештергән десертлар да сатыла. Биредә алган белемнәр менюга үзгәрешләр кертергә, тәмле һәм сыйфатлы тәм-томнар ассортиментын түбән бәядән киңәйтергә ярдәм итәчәк.
«Минем десерт әзерләүнең авыр түгеллеген күрәсем килә иде. Чөнки мондый матур пирожныйлар һәм тортларга караган вакытта, беренче чиратта, аларны эшләве бик авыр, моның өчен ниндидер космик җиһазлар кирәк кебек тоела. Хәзер мин моны өй шартларында һәм безнең гадәти, өй җиһазларында да эшләргә мөмкин икәнлеген аңладым», – дип хис-кичерешләре белән уртаклашты мастер-класста катнашучы.
Мастер-класс «Кече һәм урта эшкуарлык һәм эшкуарлык инициативасына ярдәм» илкүләм проектын гамәлгә ашыру кысаларында үткәрелде, аның төп максаты – үсешенең барлык этапларында бизнеска ярдәм итү.