Татарстанның «Сыналган бизнес» тәҗрибәсе илнең биш төбәгендә тиражланган
Оренбург өлкәсе илдә эшкуарлар өчен контроль-күзәтчелек эше буенча «Сыналган бизнес» дигән файдалы белем һәм сервислар цифрлы платформасын эшләтеп җибәргән төбәкләрнең 5нчесе булган. ТР Икътисад министрлыгы ярдәме белән оештырылган һәм СИА һәм Росконгресс фонды тарафыннан оештырылган «Яңа вакыт өчен көчле идеяләр» форумы финалисты булган, форум кысаларында проект шулай ук ил җитәкчелеге тарафыннан да югары бәяләнгән.
«Сыналган бизнес» проектының төп бурычы – кече бизнеска административ басымны киметү, күзәтчелек таләпләрен бозу очракларын профилактикалау һәм үзмәшгульлекне популярлаштыру. Проект эшкуарлык һәм контроль-күзәтчелек эшчәнлеге өлкәсендә гамәлдәге хокуклар турында түләүсез мәгълүмат-консультация ярдәм алу мөмкинлеген дә бирә, моңа эксперт аңлатмалары да, әлеге өлкәләрдә кулланма инструкцияләр дә керә.
Порталда тормышка ашырылган кире элемтәнең интерактив модуле ярдәмендә сервис кертелгән төбәкләрдәге эшкуарлар тикшерү нәтиҗәләре турында үз фикерләрен белдерә ала, бу бизнеска күзәтчелек органнары белән хезмәттәшлек итү буенча сыйфатлы ярдәм алырга, ә субъект җитәкчелегенә эшкуарлык җәмәгатьчелеге сорауларына оператив рәвештә җавап бирергә мөмкинлек бирә.
«Күзәтчелек таләпләрен бозу профилактикасы контроль-күзәтчелек эшчәнлеге реформасының аерылгысыз өлеше булып тора. «Сыналган бизнес» порталында тормышка ашырылган комплекслы якын килү нәтиҗәсендә эшкуарлар мәҗбүри таләпләрнең бозылуын үзләре таный һәм үз вакытында бетерә ала, бу исә штраф рәвешендә кече бизнеска финанс йөкләнешен киметә. Моннан тыш, портал тикшерүче органнар белән хезмәттәшлек иткәндә эшкуарлар тарый торган системалы проблемаларны һәм мәсьәләләрне ачыкларга һәм аларны минимальләштерергә яки бетерергә мөмкинлек бирә», – дип билгеләп үтте ТР икътисад министры Мидхәт Шаһиәхмәтов.
«Сыналган бизнес»тан файдаланучылар шулай ук онлайн режимында үзләренең «күзәтчелек» грамоталылыгын арттыра, тикшерү алды аудитын уза ала һәм контроль-күзәтчелек тикшерүләре төрләре буенча киңәшләр алырга мөмкин. Проектка типик тәртип бозулар белешмәсе, үз-үзеңне тикшерү өчен чек-листлар һәм үзмәшгульләр өчен бу статуста бизнес алып бару өчен кирәкле документларның әзер формалары белән зур бүлек керә.
Исегезгә төшерәбез, «Сыналган бизнес» Татарстан Республикасы Президенты Рөстәм Миңнеханов кушуы буенча 2017 елда эшләтеп җибәрелгән иде. Ресурсның файдалы белем базасыннан 120 меңнән артык эшкуар файдаланган инде. Проектның эксперт офисы колл-үзәгенең бушлай номерына 12 меңнән артык мөрәҗәгать алынган. Ресурска республикадан читтә дә ихтыяҗ бар – сайттан файдаланучыларның яртысыннан артыгы – илнең башка төбәкләреннән. Сынаулган бизнес Мордовия Республикасында, Хабаровск краенда, Белгород һәм Түбән Новгород өлкәләрендә тиражланган инде. Сервис платформасында бөтен илдән 5 меңнән артык бизнесмен теркәлгән.