Татарстанның «Сыналган бизнес» тәҗрибәсе Мордовиядә тиражланган
ТР Икътисад министрлыгы ярдәме белән гамәлгә ашырыла торган «Сыналган бизнес» дигән бизнес һәм күзәтчелек органнары хезмәттәшлеге мәсьәләләре буенча интернет-ресурс Мордовиядә җәелдерелгән. Күзәтчелек органнары белән хезмәттәшлектә хаталардан котылырга һәм тикшерүләрнең тискәре нәтиҗәләрен минимальләштерергә мөмкинлек бирүче Татарстан тәҗрибәсе республикадан читтә – Түбән Новгород, Белгород өлкәләре, ә хәзер Мордовия Республикасында да үз тәҗрибәсен кертте.
«Сыналган бизнес» ярдәмендә Мордовия эшкуарлары үзләренең «күзәтчелек» белемнәрен онлайн нигездә бушлай арттыра, тикшерү алды аудитын мөстәкыйль рәвештә уза һәм контроль-күзәтчелек тикшерүләре төрләре буенча киңәшләр ала алачак.
Исегезгә төшерик, сайтның төп тулылыгы – эшкуарлык эшчәнлегенең барлык төрләре буенча төркемләнгән, күзәтчелек органнары тарафыннан ачыкланган эшкуарларның типик хокук бозулары турында белешмәлекләр. Порталда шулай ук күзәтчелек таләпләрен бозуны булдырмау ысуллары турында практик кулланма да бар һәм ул Россиядә гамәлдә булган күзәтчелек законнары нормалары турында бизнеска оператив мәгълүмат бирү, эшкуарларның хокукый грамоталылыгын арттыру коралы булып тора.
Портал инде үз ихтыяҗын раслады – сайтның файдалы белемнәре базасында мөрәҗәгатьләрнең гомуми саны provbiz.ru эшли башлаганнан бирле 220 меңнән артып киткән. Шул ук вакытта Татарстан Республикасыннан кулланучылар өлешенә 30% кимрәк туры килә, калганнары – Россиянең башка төбәкләреннән, БДБ һәм чит илләрдән.
Моннан тыш, «Яңа вакыт өчен көчле идеяләр» форумы кысаларында проект Россиянең барлык субъектларыннан килгән икътисад, социаль һәм технологик өлкәләрне үстерү өчен 15 мең идеядән торган иң яхшы тәҗрибә сыйфатында сайланган һәм ил җитәкчелегенә тәкъдим ителгән. РФ Президенты республика эшләнмәсен хуплады, аның федераль дәрәҗәдә контроль-күзәтчелек эшчәнлеге өлкәсендә алып барыла торган эш белән килешенгән булуын билгеләп үтте.
«Сыналган бизнес» проектын алга таба үстерү һәм аны Россиянең башка төбәкләрендә тиражлау кече бизнеска административ басымны киметергә, бизнес-берләшмәләрнең хокукый грамоталылыгын яхшыртырга, шулай ук контроль-күзәтчелек эшчәнлеген алып баруга ярдәм итәчәк.