ТР Икътисад министрлыгы электрон коммерция үсеше мәсьәләләре буенча стратегик сессия уздырачак

Татарстан Республикасы Икътисад министрлыгы, Эшкуарлыкка ярдәм фонды һәм «Эшкуарлык фабрикасы» белән берлектә, республикада электрон коммерция үсеше һәм аңа эшкуарларны һәм үзмәшгуль гражданнарны җәлеп итү мәсьәләләренә багышланган стратегик сессия уздырачак.

Укыту чаралары бүген Мәскәү шәһәрендә 15:00 сәгатьтән 18:00 сәгатькә кадәр «Zoom» видеоконференция форматында узачак. Сессияне ТР икътисад министрының беренче урынбасары Р.Сибгатуллин һәм ТР Президенты каршындагы Эшкуарлар хокукларын яклау буенча вәкаләтле вәкил – ТР Президенты ярдәмчесе Ф.Габделганиев ачачак.

Модераторлар һәм экспертлар Эшкуар йортына җыелып, эшкуарлар һәм үзмәшгульләр өчен маркетплейсларда эшләү мәсьәләләре буенча кире элемтә булдыру, маркетплейсларда эшләү мәсьәләләре буенча кече һәм урта эшкуарлыкка ярдәм итүнең гамәлдәге чара-инструментариен ачу, шулай ук маркетплейсларда эшләү буенча сессия барышында ачыкланган икътисадый вәзгыятьне һәм булган проблемаларны исәпкә алып тәкъдимнәр формалаштыру максатында фикер алышачак.

Чараның модераторлары – «Tolstoywear» кием җитештерүгә нигез салучы, Татарстан бизнес-омбудсменының җәмәгать вәкиле, Казан шәһәр думасы депутаты, «Үсеш партиясе» җитәкчесе  М.Кузнецов һәм Россиядә «ПАЛ» ҖЧҖнең alibaba.com рәсми сервис партнерын үстерү бүлеге җитәкчесе  М.Мартынов. Анда катнашу өчен үзмәшгульләр, кече һәм урта бизнес вәкилләре, маркетинг вәкилләре чакырыла.

Чара концепциясенә ярашлы рәвештә, стратегик сессия проблемалы мәсьәләләр һәм маркетинг вәкилләре катнашында электрон коммерцияне үстерүдә ярдәм итү чараларын эшләү буенча 4 түгәрәк өстәл форматында узачак.

Чарага түбәндәге  https://fabrika-predprinimat.timepad.ru/event/1537922/ сылтамасы буенча теркәлергә мөмкин.