Татарстан Республикасы Икътисад министрлыгында моношәһәрләр бизнесына ярдәм итү чаралары турында фикер алыштылар
Татарстан Республикасы моношәһәрләренең агымдагы хәле турында фикер алышу кысаларында яңа коронавирус йогышы таралуга бәйле хәл начарланган шартларда моношәһәрләрнең социаль-икътисадый хәле, шулай ук эшкуарлар файдалана ала торган төрле үсеш институтларына ярдәм итү чаралары каралды. Киңәшмә Дәүләт Думасы депутаты, Дәүләт Думасының Моношәһәрләрне тотрыклы үстерү буенча эксперт советы рәисе Әлфия Когогина рәислегендә узды.
«Бүген безгә Татарстан Республикасы моношәһәрләренең тотрыклы үсешенә дәүләт ярдәмен гамәлгә ашыруның башлангыч: аларның икътисадын диверсификацияләү, яңа эш урыннары булдыру, халыкның керемнәрен саклап калу һәм инвестицияләр җәлеп итү нәтиҗәләрен бәяләргә кирәк. Без моношәһәрләргә карата дәүләт ярдәме комплекслы булырга һәм күп каналлылык принцибы буенча төзелергә тиеш дип саныйбыз: Сәнәгатьне үстерү фонды, КУЭ корпорациясе, Моношәһәрләрне үстерү фонды, Торак-коммуналь хуҗалыкны үстерү фонды һ.б. кебек үсеш институтлары, ә урыннарда хакимият органнары эшкуарларга һәм муниципалитетларга бу ярдәм чараларын алырга тиеш. Бүгенге киңәшмәнең максаты – газиз Татарстанның моношәһәрләре җитәкчеләренең фикерен, алга таба федераль дәрәҗәдә эшкә алу өчен, аларның проблемалары турында ишетү», – дип белдерде Әлфия Когогина.
Киңәшмәдә шулай ук Татарстанның җиде моношәһәреннән дә вәкилләр чыгыш ясады. Алар моношәһәрләрнең агымдагы социаль-икътисадый хәле һәм инвестпроектларны гамәлгә ашырганда эшкуарлар очраша торган мәсьәләләр турында сөйләде.
Фикер алышу нәтиҗәләре буенча эшкуарларның мәгълүмат алу дәрәҗәсен һәм аларга күрсәтелә торган ярдәм чараларыннан файдаланып булу мөмкинлеген арттыру буенча, муниципаль берәмлекләр икътисадының монобәйлелеген киметүгә һәм тотрыклылыгын арттыруга юнәлдерелгән тәкъдимнәр каралды.