Коронавирус пандемиясеннән аеруча зыян күргән тармаклар исемлеге киңәйтелгән
Россия Федерациясе Хөкүмәтенең 2020 елның 3 апрелендәге 434 номерлы карарына үзгәрешләр кертелгән, нәтиҗәдә коронавирус пандемиясенә бәйле рәвештә аеруча зыян күрүчеләргә караган тармаклар исемлеге киңәйтелгән.
Исемлеккә «Азык-төлек булмаган товарларны ваклап сату» бүлеге өстәлгән, аңа түбәндәге эшчәнлек төрләре кертелгән:
- автомобильләр, автотранспорт чаралары һәм мотоцикллар, детальләр, төеннәр һәм аларга караган кирәк-яраклар белән сәүдә итү;
- гомуми ассортименттагы товарлар белән сәүдә итү:
- мәгълүмат һәм коммуникация җайланмалары белән сәүдә итү;
- мәдәни-күңел ачу товарлары белән сәүдә итү;
- тукыма, кием-салым һәм аяк киеме белән сәүдә итү.
Моннан тыш, элек исемлектә булган «Мәдәният, ял һәм күңел ачу оештыру» бүлеге киңәйтелгән, аңа түбәндәге эшчәнлек төрләре кертелгән:
- музейлар;
- зоопарклар.
Яңа коронавирус инфекциясеннән иң зур зыян күргән дип табылган барлык тармаклар белән биредә танышырга мөмкин.