«АгроНТИ-2020» Бөтенроссия инноваторлар конкурсында катнашуга гаризалар кабул ителә башлады

Татарстанның авыл гомуми белем бирү учреждениеләре укучылары «АгроНТИ-2020» Бөтенроссия конкурсында катнаша ала. Ул түбәндәге юнәлешләр буенча узачак:

- Агрокоптерлар (пилотсыз очу аппаратларының бүленгән системалары, автомат идарә системалары);

- Агророботлар (авыл хуҗалыгы техникасы белән автоматлаштырылган

электрон идарә системалары);

- Агрокосмос (стратегик карарлар кабул итүне автоматлаштыру өчен геостацион орбитадан алынган мәгълүматларны эшкәртү);

- Агрометео (һава торышын фаразлау, һава архивын булдыру, аналитика).

Катнашу өчен 31 мартка кадәр http://kids.agronti.ru/ сайтында теркәлергә һәм инновацияле проект эшләргә кирәк.  

1-17 апрель көннәрендә – конкурсның читтән торып, ә 12-24 май көннәрендә турыдан-туры этабы узачак.

Конкурсның финал этабы 2020 елның сентябрендә Әлмәттә узачак.

Җиңүчеләр октябрьдә Мәскәүдә «Алтын көз-2020» Россия агросәнәгать күргәзмәсе кысаларында бүләкләнәчәк.

Конкурс авыл җирлегендә урнашкан белем бирү оешмаларында укучыларны Илкүләм технологик инициативаның (НТИ) технологик приоритетлары өстендә эшләүгә җәлеп итүгә юнәлдерелгән.

Оештыручылар – Фәнни-техник өлкәдә предприятиеләрнең кече формаларын үстерүгә ярдәм итү фонды һәм Россия Федерациясе Авыл хуҗалыгы министрлыгы ярдәме белән «АСК һәм балыкчылык мәгариф учреждениеләре ассоциациясе» коммерциясез оешмасы.