Икътисад министрлыгында коррупциягә каршы көрәш буенча укыту семинары узды

2019 елның 16 декабре, дүшәмбе

Татарстан Республикасы Икътисад министрлыгы һәм ведомство карамагындагы учреждениеләр хезмәткәрләре «Коррупциягә каршы үз-үзеңне тотыш формалаштыру» темасындагы семинарда катнаштылар.

Чараны идарә башлыгы урынбасары – Татарстан Республикасы Президентының Коррупциягә каршы көрәш мәсьәләләре идарәсенең коррупциягә каршы мониторинг бүлеге мөдире Руслан Гатин һәм Идарәнең коррупциягә каршы тикшерүләр бүлегенең баш киңәшчесе Салават Рәхимов үткәрде.

Тыңлаучыларга ачыкланган хокук бозулар һәм аларның нәтиҗәләре турында видеоролик күрсәтелде.

Чара барышында коррупциягә каршы үз-үзеңне тоту, дәүләт хезмәтендә чикләүләр һәм тыюларны үтәү мәсьәләләре каралды. Бүләкләр алуга һәм бүләк алуга тыюны үтәү зарурлыгына аерым игътибар бирелде.