54,5 мең татарстанлы үзмәшгуль буларак теркәлгән
54,5 мең татарстанлы үзмәшгуль буларак теркәлгән, тагын күрше шәһәрдә яшәүче 6 меңгә якын кеше Татарстан Республикасын үз эшчәнлеге регионы итеп сайлаган.
Татарстан Республикасы Икътисад министрлыгы мәгълүматлары буенча, бүгенге көндә 54 554 татарстанлы һәм шулай ук 6000гә якын чит төбәкләрдә яшәүче үзмәшгуль буларак теркәлгән.
Үзмәшгульләрдән салым керемнәре 88,6 млн.сумга якын тәшкил иткән. Шул ук вакытта элегрәк теркәлгән кешеләрнең гомуми саныннан 80% ы рәсми рәвештә эшләмәгән һәм салым түләмәгән.
Үзмәшгульләр саны буенча лидерлар бишлегендә - башкала һәм эре шәһәрләр: Казанда бүген 16 меңгә якын үзмәшгуль, Чаллыда 8 меңгә якын, Түбән Кама районында 2,9 мең, Әлмәт районында 2,7 мең, Яшел Үзән районында исә 2,1 мең үзмәшгуль теркәлгән.
Тулаем алганда, бүген Россиядә 314 меңнән артык үзмәшгуль теркәлгән.
Татарстан 4 пилот төбәкнең берсе булды, быелның гыйнварында республикабызда яңа салым режимы кертелде. 2019 елда Татарстан үзмәшгульләре берничә преференция һәм ташламаларга ия булды, аерым алганда, bp.zakaz.rf биржа мәйданчыгына керү һәм ярминкәләрдә бушлай катнашу мөмкинлеге, «Ак барс Страхование» дән махсус иминият продукты. Әлеге продукт больничный листны компенсацияләргә һәм «Ак барс банк» аша түләнгән салымнарның бер өлешен кире кайтарырга мөмкинлек бирә.
Салым түләү өчен декларацияләр тапшырырга һәм инспекторлар белән очрашырга кирәк түгел. Теркәлү нибары 10 минутлык эш, салым хезмәте органнарына йөреп документлар җыярга кирәк түгел. Бары паспорт һәм фотография гына кирәк. Фотографияне исә телефон камерасына аша да эшләргә мөмкин. Теркәлүне теләсә кайсы вакытта туктатырга мөмкин. Интернет аша гариза бирелүе дә җитә.