OZON Татарстан эшмәкәрләреннән товарларны һәм яңа сортлау үзәгендә үзмәшгульләрне кабул итә башлады
2019 елның 25 октябрендә Оренбург трактында OZONНЫҢ яңа сортлау үзәгендә Татарстан җитештерүчеләренең товарларын тест рәвешендә кабул итү узды. Яңа үзәк Татарстан товар җитештерүчеләре һәм үзмәшгульләр ширкәтләрен маркетплейска җәлеп итү белән бәйле операцияләрне киңәйтү өчен махсус ачылган.
Россиядә беренче тапкыр үзмәшгульләр һәм эшкуарлар өчен маркетплейс махсус логистик хабы оештыра. Мондый үзәкләрне ачу тәҗрибәсе эшкуарлар өчен махсус башка төбәкләрдә дә таратылачак.
Хәзерге вакытта Ozonда Татарстан Республикасыннан 200ләп товар җитештерүче теркәлгән, моңарчы алар үз товарларын Тверь яки Мәскәү өлкәсендә урнашкан Үзәк логистика үзәгенә җибәргәннәр. Шәһәр чикләрендә яңа сортларга аеру үзәге ачылгач, маркетплейс өчен товарларны шунда китереп була - алга таба алар Казан, Татарстан Республикасының һәм Идел буе шәһәрләренең, шулай ук Россиянең башка төбәкләренә таралачак. Шуны да искәртик: Ozon РФнең 6 500 торак пунктына, шулай ук БДБ һәм ерак чит илләргә - АКШтан алып Япониягә һәм Яңа Зеландиягә кадәр товарлар китерүне тәэмин итә.
2000 кв. метр мәйданлы яңа сортларга аеру үзәге тәүлегенә 20 000 посылка яки аена 1,5 млн. берәмлек эшкәртә ала. Шулай итеп, ул йөзләгән товар җитештерүчеләрдән товарлар кабул итә ала.
Бүген Ozon кулланучысының һәр дүртенче заказында маркетплейс сатучы товарлары бар, партнерлар товарлары мәйдан ассортиментының өчтән бер өлешен тәшкил итә.
«Бүген без сезнең белән OZON сортларга аеру үзәген ачуда катнашабыз. Интернет-сәүдә Татарстан базарындагы хәлне кардиналь ысул белән үзгәртәчәк һәм, барыннан да элек, бүген ачылган сортировка үзәге үзмәшгульләргә яңа сату базарлары тәкъдим итәчәк, - дип билгеләп үтте икътисад министры Фәрит Габделганиев. - Маркетплейс-төбәк һәм чит илләрдән килгән эшкуарлар өчен «тәрәзә». Эшмәкәр сыйфатлы товар булдыруга һәм ассортиментны киңәйтүгә зур игътибар бирә, ә маркетплейс аудиторияне һәм логистиканы җәлеп итү бурычын үз өстенә ала. Хәзер төбәкләрдә 10 сатучының 9ы логистика артык кыйммәтле һәм катлаулы булу сәбәпле үз төбәге яки шәһәре белән чикләнгән».
Бүгенге көндә Татарстанда 39 мең үзмәшгуль кеше теркәлгән, шулай ук «Минем салым» кушымтасында Татарстан Республикасын үз эшчәнлеге регионы итеп күрсәткәннәр чит шәһәрләрдән 3 мең 600 кеше бар. Өстәвенә, теркәлгән үзмәшгуль кешеләрнең 83% ы элек законлы рәвештә эшмәкәрлек белән шөгыльләнмәгән һәм салым түләмәгән.