Эшкуарлар экспорт килешүләрендә документлар әйләнеше буенча бушлай уку курсында катнаша алалар

Укыту семинары "Россия экспорт үзәге"нең "Экспорт мәктәбе" проектының бер өлеше булып тора һәм ТР икътисад Министрлыгы программалары кысаларында кече һәм урта бизнес оешмаларына ярдәм итү буенча үткәрелә. "Россия экспорт үзәге" проекты чит илгә продукция сату белән кызыксынучы, әмма әлегә тышкы икътисадый эшчәнлекне оештыруда кирәкле компетенцияләре һәм күнекмәләре булмаган Татарстан Республикасы төбәкләреннән кече һәм урта бизнес вәкилләренең квалификациясен күтәрүгә юнәлдерелгән. Семинар продукцияне сатуның экспорт каналларына юнәлдерелгән бизнес хуҗаларына файдалы булачак.

Экспорт проектының тормыш циклы аны тормышка ашыруның һәр этабында документлар сериясен рәсмиләштерүне күздә тота. Семинар кысаларында катнашучылар теоретик белемнәр алачаклар һәм практик кейсларда экспорт килешүе паспортын, валюта операцияләре һәм раслый торган документлар турында белешмәләрне ничек тутырырга, шулай ук экспорт проектының төрле этаплары өчен документлар исемлеге белән танышачаклар һәм товарларны экспорт контроле исемлегеннән идентификацияләү үрнәге белән танышачаклар.

Моннан тыш, тыңлаучылар гамәлдәге закон актлары, экспорт эшчәнлеген тариф һәм тарифтан тыш дәүләти җайга салу методлары, валюта кануннары нормалары һәм валюта контроле документларын рәсмиләштерү тәртибе белән танышачаклар.

Семинарда бушлай катнашу өчен 22 октябрь 18:00 сәгатькә кадәр теркәлү узарга кирәк.

Элемтә өчен җаваплы: Ирина Милютина, Тел.: +7 917 932 4851.

Семинар 24 октябрьдә түбәндәге адрес буенча узачак: Казан шәһ., Пушкин ур., 18, ТР Сәүдә-сәнәгать палатасы. Чара 10.00 сәгатьтә башлана.

Семинар ахырында катнашучылар курс узу турында сертификатлар алачаклар.