Социаль эшкуарлык – аерым игътибар объекты

3 июльдә Татарстан Республикасы Икътисад министрлыгы каршындагы Эшкуарлыкка ярдәм итү фондының социаль өлкә инновацияләр үзәге социаль эшкуарлык, социаль юнәлешле коммерциячел булмаган оешмалар эшчәнлеге һәм социаль проектларга ярдәм итү чаралары буенча үзенең традицион семинарын үткәрде. Семинар Казан (Идел буе) федераль университеты нигезендә узды.

Чарада катнашучылар конкурслар һәм грантлар темасы, белем бирү программалары, проектларны финанслау чыганаклары, Татарстанда социаль эшкуарлыкны үстерүгә мөлкәти ярдәмнең актуаль чаралары турында фикер алыштылар.

Татарстан Республикасы Эшкуарлыкка ярдәм итү фондының Эшкуар йортында киң спектрлы хезмәтләр алу мөмкинлегенә аерым игътибар бирелде. Бу эшкуарларга ярдәм итү буенча экспертиза үзәге булып тора һәм анда «Бердәм тәрәзә» форматында бизнеска ярдәм итү буенча киң спектрлы хезмәтләр алырга мөмкин.

Киләсе семинар 7 августта узачак. Аңа теркәлү сылтама буенча ачык.

Исегезгә төшерәбез, Татарстан Республикасы Икътисад министрлыгы һәм Казан федераль университеты эшкуарлар өчен берничә белем бирү программасы буенча тыгыз хезмәттәшлек итә. Бу эштә социаль эшкуарлыкка аерым игътибар бирелә. Әйтик, 2019 ел башында «социаль эшкуарлык өлкәсендә проектлар белән идарә итү» магистрлык программасы ачылды, даими рәвештә семинарлар һәм мастер-класслар үткәрелә.