17 июньдә «Эшкуар әни» проекты старт ала
10 июньгә кадәр (кертеп) «Эшкуар әни» федераль белем бирү проектында катнашу өчен гаризалар кабул ителә. Анда декрет ялындагы, балигъ булмаган балалары булган яки мәшгульлек хезмәтендә исәптә торучы хатын-кызлар катнаша ала.
Проектның төп максаты - әниләргә үз эшләрен башларга һәм мөстәкыйль рәвештә гамәлгә ашыру мөмкин булмаган бизнес-идеяләрне тормышка ашырырга ярдәм итү.
Бушлай укыту эшлекле мохиткә кертү, бизнес-проектларны эшләү һәм ментор ярдәме белән биш көнлек тренинг-интенсив форматында узачак.
Укытуның йомгаклау этабы - проектлар конкурсы, анда җиңүче үз бизнесын эшләтеп җибәрү өчен 100 000 сум күләмендә грант алачак. Эксперт жюрие проектларның икътисадый нигезлелеген, оригинальлеген, социаль әһәмиятен бәяли.
Катнашу өчен сайтка заявка бирергә кирәк: http://mama-predprinimatel.ru/
Проект «Татарстан Республикасы Эшкуарлыкка ярдәм фонды» коммерциясез микрокредит компаниясе теләктәшлегендә, Кече һәм урта эшкуарлыкны үстерү буенча федераль корпорация (КУЭ корпорациясе) һәм «ОПОРА РОССИИ»нең хатын-кызлар эшкуарлыгын үстерү комитеты тарафыннан гамәлгә ашырыла.