Татарстан Республикасы Икътисад министрлыгы сайтында "Илкүләм проектлар" бите барлыкка килде. Биредә расланган илкүләм проектларның паспортлары, илкүләм проектларны эшләү буенча методик киңәшләр һәм аңлатмалар, шулай ук норматив-хокукый актлар белән танышырга мөмкин.
"2024 елга кадәр чорда Россия Федерациясе үсешенең илкүләм максатлары һәм стратегик бурычлары турында" 2018 елның 7 маендагы 204 номерлы Россия Федерациясе Президенты Указы нигезендә, ТР Икътисад министрлыгы бурычларны гамәлгә ашыру буенча координатор булып тора.
ТР Икътисад министрлыгы матбугат хезмәте