2024 елга кадәр илкүләм проектларны гамәлгә ашыруга 25,7 трлн. сум юнәлтәчәкләр

Россия Федерациясе Хөкүмәте максатчан күрсәткечләр һәм илкүләм проектларны финанслар ягыннан тәэмин итү турында аналитик мәгълүмат әзерләгән. 2024 елга кадәр гомуми бюджет 25,7 трлн. сумлык бәяләнә. Шул исәптән 13,1 трлн. сумы - федераль бюджеттан, 7,7 трлн. сумы - бюджеттан тыш чыганаклардан, 4,9 трлн сумы төбәк бюджетыннан бүлеп биреләчәк.

Барлык илкүләм проектлар өч юнәлешкә бүленгән:

·     кеше капиталы (демография, сәламәтлек саклау, мәгариф, мәдәният),  социаль чыгымнарга 5,7 трлн. сум тоту карала.

·     тормыш өчен уңайлы мохит (экология, имин юллар, торак һәм шәһәр мохите) - 9,9 трлн. сум.

·     икътисадый үсеш (фән, хезмәт җитештерүчәнлеге, кече бизнес, халыкара кооперация һәм экспорт, шулай ук санлы икътисад) - 10,1 трлн. сум.

Аналитика материаллары белән Россия Федерациясе Хөкүмәте сайтында танышырга мөмкин: 

http://static.government.ru/media/files/p7nn2CS0pVhvQ98OOwAt2dzCIAietQih.pdf

 ТР Икътисад министрлыгы матбугат хезмәте