Татарстан укучылары һәм студентлары "МИН, ФИНАНСЛАР, ДӨНЬЯ" иҗади эшләр бәйгесендә катнашуга чакырыла
Татарстанның 5тән 24 яшькәчә балалары һәм яшьләре "МИН, ФИНАНСЛАР, ДӨНЬЯ" II Төбәкара тикшеренү, әдәби, журналистлык һәм гаилә эшләре бәйгесендә катнаша ала. Ул 4 номинация буенча уза:
1. "Проза" (гаилә һәм шәхсән катнашу өчен эссе, хикәяләр, инша-миниатюралар һ.б.лар);
2. "Шигърият" (гаилә һәм шәхсән катнашу өчен шигырьләр, поэмалар, мәсәлләр һ.б.лар);
3. "Журналистлык һәм тикшеренү эшләре" (ММЧның төрле жанрларында тикшеренүләр һәм эшләр: шәхсән катнашу өчен рецензия, интервью, мәкалә, корреспонденция, репортаж һ.б.лар);
4. "Мин - нәшир" (үзлегеңнән ясалган китаплар - текст һәм иллюстрацияләр катнашучының үзе тарафыннан язылган һәм ясалган, гаилә һәм шәхсән катнашу өчен).
Конкурс эше темасын катнашучы сайланган юнәлеш кысаларында үзе формалаштыра. Конкурсның гомуми тематикасы:
- "Финанс грамоталыгы турында креатив бәян итегез: өлкәннәргә һәм балаларга";
- "Кесә акчалары, үз акча янчыгың белән ничек дөрес идарә итәргә?";
- "Әгәр дә син бөтен акчаларыңны сарыф итсәң...";
- "Шәхсән финанс планлаштыруы өчен технологияләр";
- "Минем игътибар күпме тора?";
- "Акчаларны ничек тыңлатырга яки гаилә бюджеты нәрсә ул?";
- "Гаилә бизнес планы - максатларга ирешү ысулы";
- "Дәүләт, салымнар һәм гаилә";
- "Кеше өчен ипотека";
- "Хыялга ничек акча тупларга?";
- "Яшүсмер кайда акча эшли ала?";
- "Әдәби әсәрләрдә финанс грамоталыгы темасы";
- "Электрон акчалар - финанслар дөньясында яңа нәрсә";
- "Акчалар - тарих аша";
- "Финанс мошенниклыгы, ничек тозакка эләкмәскә?";
- "Үз мөмкинлекләреңне арттыр. Минем беренче инвестицияләр";
- "Финанслар ягыннан грамоталы булу модада!";
- "Минем финанс киләчәгем".
Эшне 11 мартка кадәр почтага юлларга кирәк: mass@odub.tomsk.ru. Йомгак апрельдә ясала.
Конкурс нигезләмәсе белән шушы сайтта танышырга мөмкин: http://odub.tomsk.ru/AboutLibrary/Projects/IFinanceWorld.aspx
Оештыручы: "Томск өлкә балалар-үсмерләр китапханәсе" ОТАУК (ОГАУК “ТОДЮБ”).
Белешмәләр өчен телефон (Томскида): 8 (3822) 26-56-74.
ТР Икътисад министрлыгы матбугат хезмәте