Казанда "Ел экспортеры"н сайлыйлар. Эшкуарлык конкурсына заявкалар кабул итү дәвам итә

30 ноябрьгә чаклы "Ел экспортеры" конкурсына заявкалар кабул ителә. Анда Татарстанның кече һәм урта бизнес субъектларының предприятие-экспортерлары катнаша ала.

Катнашу өчен түбәндәге адрес буенча конкурс заявкасын юлларга кирәк: 420111, Казан, Пушкин ур., 18 яки электрон почтага: dde@tpprt.ru

Предприятиеләрне сайлап алу кысаларында экспертлар җитештерелә торган тауарларның (хезмәтләрнең) яңалыгын, аларның көндәшлеккә сәләтлелеген, иҗтимагый зарурлыгын, халыкара экологик стандартларга ярашлылыгын; продукциянең гомуми күләмендә экспорт продукциясе өлешен; табышлылыкны, компаниянең эшлекле абруен; сатуларның рентабельлеген; җитәкчелекнең квалификациясен бәяләячәк.

Иң яхшы экспортерлар түбәндәге номинацияләр буенча аталачак:

сәнәгый җитештерү өлкәсендә;

кулланучылар продукциясен җитештерү өлкәсендә;

хезмәтләр өлкәсендә;

халыкара инновацион хезмәттәшлек өлкәсендә;

АСК (агросәнәгать комплексы) өлкәсендә;

БДБ илләренә;

ерак чит илләргә;

аеруча динамик үсүче;

иң озын экспорт тарихы булган;

иң киң экспорт географиясе булган;

югары технологик җиһазлар.

Конкурсны оештыручылар: Татарстан Республикасы Икътисад министрлыгы, "Татарстан Республикасы Эшкуарлыкка ярдәм итү фонды" Коммерциясез микрокредит компаниясе, Татарстан Республикасы Экспортка ярдәм итү үзәге һәм Татарстан Республикасы Сәүдә-сәнәгать палатасы.

Катнашу шартлары белән шушы сайтта танышырга мөмкин: http://www.tpprt.ru/press/anons/respublikanskiy_konkurs_v_oblasti_eksportnoy_deyatelnosti_po_itogam_2018_g_eksporter_goda_2018/

Белешмәләр өчен телефоннар: (843) 236-54-15, 236-99-00.

ТР Икътисад министрлыгы матбугат хезмәте