"Перезагрузка" форумына журналистларны аккредитацияләү дәвам итә
26 октябрьдә Казанда – "Татнефть-Арена" боз сараенда эшкуарлык компетенцияләрен үстерү буенча "Перезагрузка 2.0" форумы узачак. Бизнесменнар өчен иң зур чараларның берсе Татарстан Республикасы Президенты Рөстәм Миңнеханов катнашында узачак. Яр Чаллы Ай-Ти паркында туры эфирдан трансляция узачак. Форумда катнашучыларның гомуми күләме 9000 тирәсе кеше булыр дип планлаштырыла.
Чараның максаты – Россия икътисадын һәм бизнесын яңа дәрәҗәгә чыгару. Форум интенсив укыту форматында 1 көн барачак – Россия бизнесының иң уңышлы вәкилләре һәм спикерлар чыгыш ясаячак, алар үз эшеңне булдыру һәм аны алга этәрү өлкәсендә уникаль тәҗрибә белән уртаклашачак.
Чарага журналистларны аккредитацияләү Aygul.Amirova@tatar.ru электрон почтасы буенча уза, шулай ук 8 950 323 47 07 номерына WhatsApp аша хәбәр җибәрергә мөмкин. Ф.И.А., туу датасын һәм ММЧ исемен күрсәтергә кирәк. Аккредитация 25 октябрьдә, 12.00 сәгатьтә тәмамлана.
ТР Икътисад министрлыгы матбугат хезмәте