Бөтен ил каршысында бизнес ясарга
31 август көнне 14.00 сәгатьтә Эшкуар йортында (Казан ш., Петербург урамы, 28, Шамов залы) "Бөтен ил каршысында бизнес ясарга" дигән бик зур россиякүләм эшкуар реалити-шоуны башлап җибәрү турында матбугат конференциясе булачак.
Проектның миссиясе:
Эшкуарча фикер сөрешен үстерү юлы белән җәмгыятьтәге һәр затның үз үсеш юлын табуы.
"Эшкуарлык фабрикасы" федераль проектыннан реалити-шоу 2018 елның 29 сентябрендә старт ала.
Реалити-шоуда төп геройлар – илнең 10 төбәгеннән эш башлаучы эшкуарлар, алар 10 атна дәвамында остазлар – Россиянең әйдәп баручы эшкуарлары җитәкчелегендә үз бизнесларын үстерү өстендә эшләячәк. Катнашучы төбәкләрнең берсе – Татарстан Республикасы.
Призлар фонды – 1 нче, 2 нче һәм 3 нче урыннар өчен 5 000 000 инвестиция.
Әлеге реалити-шоуны уздыру түбәндәгеләрне мөмкин итәчәк: эшкуарлыкны, шулай ук конкрет күренеш буларак остазлык системасын популярлаштырырга; "яшь" эшкуарлык өлкәсендә хәзерге вәзгыятьне чагылдырырга; кешелекнең омтылыш, үҗәтлек, хезмәт сөючәнлек кебек уңай сыйфатламаларын пропагандаларга; халыкның шөгыле булмаган өлешен активлашу өчен стимуллаштырырга.
"Эшкуарлык фабрикасы" – Россиядә Беренче номерлы Остазлык Мәктәбе булып тора, ул Татарстан Республикасы Икътисад министрлыгы һәм Казан (Идел буе) Федераль Университеты ярдәмендә булдырылган проект, эшкуарлыкны популярлаштыруга һәм эшкуарлык белемнәрен, күнекмәләрен формалаштыруга юнәлдерелгән.