РФ Икътисадый үсеш министрлыгы эшкуарлыкка ярдәм буенча тәкъдимнәр кертү срогын озайтты
Кече һәм урта бизнес вәкиллләре үз комментариеләрен һәм тәкъдимнәрен 2018 елның 12 июненә кадәр www.upgradelab.ru сайтында калдыра ала.
Мөрәҗәгатьләр түбәндәге юнәлешләр буенча кабул ителә:
- "Финанс-кредит ярдәме";
- "Эшкуарга ярдәм күрсәтү үзәге";
- "Минем бизнес паркым";
- "Бизнес-инкубатор 2.0";
- "Фермерлык бизнесына ярдәм һәм аны үстерү үзәкләре";
- "Туристлык бизнесына ярдәм һәм аны үстерү үзәкләре";
- "Экспорт";
- "Цифр экосистемасы";
- "Эшкуарлыкны популярлаштыру".
Икътисадый үсеш министрлыгы кече һәм урта бизнеска ярдәм чараларын яңадан карау проектының яңа этабын гамәлгә ашыра. Бу эшнең максаты - эшкуарлар өчен ярдәм чараларыннан максималь файдалана алуны тәэмин итү. Төп бурычлары - гамәлдәге чараларны синхронлаштыру, нәтиҗәсез кабатлаулардан котылу, программалар белән идарә итүгә чыгымнарны оптимальләштерү.
ТР ИМ матбугат хезмәте