Татарстанда «Экспорт регатасы» эшлекле уены узды
Россия экспорт үзәге Татарстанда «Экспорт регатасы» эшлекле уенын үткәрде. Эшкуарлар экспорт эшчәнлегендә кросс-мәдәни коммуникация үзенчәлекләре белән таныштылар.
Шулай ук эшкуарлар уен формасында дәүләт ярдәме чаралары белән таныштылар, аларны «Халыкара кооперация һәм экспорт» һәм «Кече һәм урта эшкуарлык» илкүләм проектлары кысаларында һәм Экспортка ярдәм итү үзәге аша алырга мөмкин. Шулай ук катнашучылар экспорт килешүенең кайсы этабында чыгымнарны киметү һәм табыш алу өчен нинди ярдәмне куллану яхшырак икәнен дә билгеләделәр.
«Геймификация бүген – эшлекле ивент индустриясендәге тенденция. Уенга чумып, катнашучылар экспорт эшчәнлегенең катлаулы аспектларын күпкә җиңелрәк һәм тизрәк аңлыйлар, чит ил партнерлары белән эшлекле коммуникацияләр төзергә өйрәнәләр, экспортка ярдәм итүнең дәүләт чараларын өйрәнәләр һәм шул ук вакытта чит ил базарларын яуларга мөмкинлек бирә торган дәрт алалар», – РЭҮ экспортка ярдәм итүнең төбәк инфраструктурасын үстерү буенча директоры Наталья Минаева.
«Экспорт регата»сында Татарстанның 50гә якын экспортка юнәлдерелгән кече һәм урта компаниясе катнашты.
«Чара чит ил партнерлары белән эшләү тәҗрибәсен бәяләргә генә түгел, ә яңа белемнәр алырга да мөмкинлек бирде, алар, һичшиксез, практикада кирәк булачак», – дип билгеләп үтте катнашучыларның берсе.