ЯҢАЛЫКЛАР


17
октябрь 2018 ел.
чәршәмбе

"Технологик эшкуарлык" олимпиадасында катнашу өчен заявкалар кабул итү дәвам итә. Анда 8-11 сыйныфта укучылар – инженерлык иҗаты белән кызыксынучы һәм инновацияле проектлар ясарга планлаштыручы мәктәп укучылары катнаша ала.


16
октябрь 2018 ел.
сишәмбе

Бүген Татарстан Республикасы Икътисад министрлыгына Социалистик Вьетнам Республикасы делегациясе килде. Чит илдән килгән кунаклар төбәкнең социаль-икътисадый үсеше һәм аның бизнес-климаты белән танышты.

18 октябрьдә Татарстанның социаль эшкуарлары түләүсез вебинарда катнаша ала. 

Казанда булачак белем бирү семинарында республикада яшәүчеләрне социаль эшкуарлык нигезләре һәм бизнес-идеяләрне үстерү этаплары белән таныштырачаклар. Белем бирү тренингы 7 ноябрь көнне КФУ "УНИКС" мәдәни-спорт комплексында 16.00 сәгатьтә узачак. Чарада катнашучыларга социаль бизнес предприятиесен булдыру нигезләре һәм аның тотрыклылык критерияләре, кече һәм урта эшкуарлык субъектларына һәм коммерциясез оешмаларга ярдәм чаралары, проектлар өчен финанс һәм бүтән ресурсларны җәлеп итү мөмкинлекләре турында сөйләячәкләр.

Татарстан Республикасы Икътисад министрлыгы тарафыннан Бердәм кредит бирү үзәге проекты эшләнде һәм гамәлгә ашырыла. Бу хакта бүген "Татар-информ" МА булып узган матбугат конференциясендә "Татарстан Республикасы Гарантия фонды" коммерциясез оешмасы җитәкчесе Тимур Темиргалиев хәбәр итте.

"Россиядә эшкуарлык: тарихы, проблемалары, уңышлары" VII Россиякүләм конкурсында катнашу өчен заявкалар кабул итү дәвам итә. Конкурста федераль һәм региональ басма матбугат, интернет-ММЧ, мәгълүмат агентлыклары, федераль һәм региональ радио- һәм телекомпанияләрнең журналистлары, блоггерлар, шулай ук рәссамнар һәм фотографлар катнаша ала.


15
октябрь 2018 ел.
дүшәмбе

Ел саен уза торган III Ерак көнчыгыш эшкуарлар форумы кысаларында дискуссия мәйданчыгында катнашучыларга тикшерүләр әзерләү һәм аларны узу мәсьәләләре буенча "Сыналган бизнес"provbiz.ru интернет-ресурсы презентацияләнде. Хабаровск, Приморск, Забайкальск крайларыннан һәм Россиянең Ерак Көнчыгышындагы башка төбәкләрдән килгән эшкуарларга законнардагы зарури таләпләр бозылуны профилактикалау, күзәтчелек буенча экспертларның түләүсез консультацияләре турында һәм интернет-ресурс мәйданчыгында тормышка ашырылган башка тәҗрибәләр турында сөйләделәр.

17 октябрьдә "УМНИК" программасы буенча конкурста катнашучылар һәм катнашу теләген белдерүчеләр түләүсез консультация ала алачак. Яшь галимнәр өчен семинар 9.00 сәгатьтән 14.00 сәгатькә кадәр Татарстан Республикасының Икътисад министрлыгында узачак.

18 октябрьдә планлы эшләргә бәйле рәвештә "Южный" КФҮ (Җиңү пр., 100) документлар кабул ителмәячәк. Бу хәл трансформатор подстанциясендә планлы эшләр уздыру аркасында электрдан өзүгә бәйле. Зарурлык булган очракта үзәккә килүчеләр "Минем документлар" офисының иң якында, Җиңү Проспекты, 214 адресында урнашканына (КФҮ Совет бүлеге) мөрәҗәгать итә ала. Калган көннәрдә "Южный" филиалы штат режимында эшләячәк.

Яңа элемтәләр булдырырга һәм уртак хезмәттәшлек перспективалары турында фикер алышырга. Татарстан Республикасына шундый максат белән Германиядән менеджерлар килде. 


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования