2017 елның 1 гыйнварыннан салым түләүчеләрне теркәгәндә һәм исәпкә алганда документлар тутыру процедурасы гадиләштерелде
Россия Федерациясе Салым кодексының беренче һәм икенче өлешләренә үзгәрешләр кертелүгә бәйле рәвештә, шулай ук Россия ФНСның салым түләүчеләрне исәпкә кую тәртибе турында берыгы гамәлгә кертелүгә бәйле рәвештә 2017 елның 1 гыйнварыннан түбәндәге үзгәрешләр кертелә.
Салым органнарында җитди хисап бланклары кулланылмый.
Юридик затларга һәм шәхси эшмәкәрләргә дәүләт теркәве турында таныклык бирү бетерелә. Юридик затларны һәм шәхси эшмәкәрләрне Бердәм дәүләт реестрына кертү фактын һәм башка очракларны (шул исәптән оештырылуны теркәгәндә) раслаучы документ булып язу Кәгазе булып торачак.
Салым органнарында исәпкә кую турында таныклык җитди хисап бланкын кулланмыйча кәгазь вариантында төзелә.
Салым түләүче исәпкә куелу турында элек бирелгән Таныклык яисә дәүләт теркәве турында Таныклык югалуга бәйле мөрәҗәгать иткәндә документлар кертелгән үзгәрешләр исәпкә алынып биреләчәк.
Шулай ук 2017 елның 1 гыйнварыннан физик затларны салым исәбенә кую экстерриториальлек принцибы буенча алып барыла. Шәхси эшмәкәр булмаган физик зат яшәү урыны буенча салым органында исәпкә басу максатыннан чыгып, үзе сайлаган теләсә кайсы салым органында гариза бирә ала. Әлеге үзгәреш үзе теркәлгән урыны буенча яшәмәгән затларны исәпкә кую буенча Таныклык алу процедурасын сизелерлек гадиләштерә.