Автонэт юнәлеше буенча проектлар Иван Бортник катнашындагы киңәшмәдә каралды

«КАМАЗ» Сәнәгать акционерлык җәмгыятенең (ПАО) фәнни-техник үзәге территориясендә  2017 елның 23 гыйнварында фәнни-техник өлкәдә кече формадагы предприятиеләр үсешенә ярдәм итү Фондының генераль директоры киңәшчесе Иван Бортник һәм  «Фәнни-техник информация үсеше» конкурсында  проект-җиңүчеләре катнашында киңәшмә булды.

Киңәшмәдә Татарстан Республикасы, Кемерово өлкәсе, Самара өлкәсе, Нижегородск өлкәсе, Дагыстан Республикасы, Томск өлкәсе, Мәскәү һәм Санкт-Петербург шәһәрләре предприятиеләре вәкилләре катнашты. Татарстан Республикасы Икътисад министрлыгыннан  министр урынбасары Булат Хаҗиәхмәтов катнашты. Киңәшмәдә  «КАМАЗ» ПАО автогиганты   катнашында Автонэт юнәлешендә   «Фәнни-техник информация үсеше» конкурсында җиңүчеләрнең проектларын алда гамәлгә ашыру буенча мәсьәләләр каралды.