20 гыйнварда Артём Здунов яңа инвестиция проектларын гамәлгә ашыру өчен кирәкле инфраструктура объектларын төзү һәм реконструкцияләү буенча чараларны гамәлгә ашыру максатыннан чыгып, Түбән Кама һәм Менделеевск моношәһәрләре чыгымнарын «Моношәһәрләр үсеше фонды» НО финанславына кертүгә гариза әзерләү буенча киңәшмә уздырды.
Киңәшмә барышында «Менделеевск индустриаль үзәге» сәнәгать үзәге һәм «Нижнекамск» сәнәгать үзәге проектлары каралды. Киңәшмәдә катнашучылар әлеге гаризаларны әзерләү буенча бердәм актив эш алып барачак.