2016 елның гыйнвар-март айлары өчен Татарстан Республикасы муниципаль берәмлекләренең социаль-икътисадый үсеше рейтингы

Татарстан Республикасы Икътисад министрлыгы тарафыннан  2016 елның гыйнвар-март айлары өчен Татарстан Республикасы муниципаль берәмлекләренең социаль-икътисадый үсеше рейтингы  әзерләнде.

2016 елның гыйнвар-март айлары өчен гомуми рейтингта Казан шәһәре (1нче урын), Әлмәт  (2нче урын) һәм Түбән Кама (3нче урын) муниципаль районнары алдынгы урыннарны били.

2016 елның гыйнвар-март айлары өчен рейтингта иң зур уңай үзгәрешләргә Теләче (+8 позиция) һәм  Ютазы (+4 позиция) муниципаль районнары иреште. Әлеге үзгәрешләр кайбер күрсәткечләрнең яхшыруына бәйле: теркәлгән эшсезлек дәрәҗәсенең кимүе, салым һәм салым булмаган керемнәрнең үсеш темплары артуы һ.б.

Рейтингта Чистай (-8 позиция),  Яшел Үзән, Минзәлә һәм  Алексеевск (-5әр позиция) муниципаль районнарының рейтингтагы урыннары начарланды. Әлеге тискәре үзгәрешләр теркәлгән эшсезлек дәрәҗәсенең артуына, кулланышка тапшырылган торак йортларның гомуми мәйданы һәм салым һәм салым булмаган керемнәрнең үсеш темплары кимүенә бәйле.