1 майдан Татарстан Республикасы Икътисад министрлыгы 223-ФЗ номерлы Закон буенча сатып алуларны мониторинглый һәм бәяли башлый
Федераль казначылыкның Татарстан Республикасы буенча Идарәсендә 2016 елның 14 апрелендә видеоконференция режимында Федераль казначылыкның территориаль органнары белән «Россия Федерациясе субъектларының башкарма органнары (алар төзегән оешмалар) тарафыннан сатып алулар өлкәсендә бердәм мәгълүмат системасын кулланып туры килүне мониторинглау һәм бәяләү буенча функцияләрне үтәү» темасына киңәшмә узды. Киңәшмәне Россия Икътисадый үсеш министрлыгы һәм «Кече һәм урта эшкуарлыкны үстерү буенча федераль корпорация» АҖ катнашлыгында Федераль казначылык үткәрде.
Видеоконференциядә катнашу хакимиятнең һәм бизнес-җәмәгатьчелекнең сатып алулар сферасында бюджет акчаларын нәтиҗәле куллану һәм коррупциягә каршы көрәшү өлкәләрендәге дәүләт сәясәтенә ярдәм итүгә юнәлдерелгән көчләрен берләштерүне күз уңында тота.