Икътисадый Совет утырышында Татарстан Республикасында сәнәгать җитештерүе өчен фәнни эшкәртмәләрне адаптацияләүгә, технологияләрне һәм белемнәрне коммерцияләштерүгә ярдәм итәүче инфраструктураны үстерү сораулары тикшерелде
2016 елның 21 мартында Татарстан Республикасы Министрлар Кабинеты каршындагы Икътисадый Совет утырышы узды. Ул «Татарстан Республикасының сәнәгать җитештерүе өчен фәнни эшкәртмәләрне адаптацияләүгә, технологияләрне һәм белемнәрне коммерцияләштерүгә ярдәм итәүче инфраструктурасын үстерү турында»гы сорауга багышланган иде. Утырыш эшендә Татарстан Республикасы Президенты Рөстәм Миңнеханов катнашты. Әлеге чарада Татарстан Республикасы икътисад министры Артём Здунов «Татарстан Республикасында инжиниринг эшчәнлегенең нәтиҗәлелеген күтәрү турында» дип аталган темага доклад белән чыгыш ясады.
Утырыш Татарстан Республикасы Хөкүмәт йортында узды.
Видеоконференция элемтәсе режимында оештырылган утырышта республиканың барлык муниципаль районнары вәкилләре һәм эре предприятиеләре директорлары катнашты.