Татарстан Республикасы башкарма хакимият органнары җитәкчеләренең һәм муниципаль берәмлекләре башлыкларының «Сколково» программасы буенча укулары төгәлләнде
2015 елның 1-4 декабре көннәрендә «СКОЛКОВО» Мәскәү идарә мәктәбенең «Нәтиҗәле идарә: Стратегия. Гамәлләр. Нәтиҗәләр» программасы буенча Татарстан Республикасы башкарма хакимияте органнары җитәкчеләре һәм муниципаль берәмлекләре башлыкларын укытуның бишенче, соңгы модуле үткәрелде.
2015 елның 2 декабрендә укуларда катнашучыларның барысы өчен дә муниципаль берәмлекләрнең һәм икътисад секторларының төп юнәлешләре буенча шәхси докладларны яклау үткәрелде. Әлеге модуль тәмамланганнан соң, 4 декабрьдә, төркем проектлары якланды.
Эшләнгән проектларны Татарстан Республикасы Президенты Рөстәм Миңнеханов җитәкчелегендәге Экспертлар советы бәяләде. Проектларга бәя биргәндә аларның 2030 елга кадәрге Татарстан Республикасы Социаль-икътисадый үсеше стратегиясенә туры килүе, һәм шулай ук эшләнгән проектларның алга таба Татарстан Республикасы муниципаль берәмлекләрендә һәм икътисад тармакларында куллану максатына яраклаштыру мөмкинлекләре исәпкә алынды.