Кече һәм урта бизнес өчен smb.tattis.ru мәгълүмат порталы көч ала бара

«Татарстан Республикасы Дәүләт заказы, ивестицияле эшчәнлек һәм төбәкара багланышлар агентлыгы» ДУП белән берлектә, ТР Икътисад министрлыгы тарафыннан  кече һәм урта эшкуарлык субъектлары өчен яңа  smb.tattis.ru мәгълүмат порталы эшләнде.

Исегезгә төшерик,  Порталда теркәлгән кулланучылар (алга таба – Портал резидентлары) үткәрелә торган сатып алулар арасында үзләрен кызыксындырганнары турында мәгълүматка  язылуны рәсмиләштерү мөмкинегенә ия. Порталның операторы эшкуардан килгән гарызнамәгә ярашлы рәвештә сатып алулар турында актуаль хәбәрләрне эзләп таба, аннан соң берләштерелгән мәгълүматны электрон почта аша Портал резидентына юллый, һәм шулай ук мәгълүмат шәхси кабинеттагы «Хәбәрләр» бүлегенә урнаштырыла. Портал резидентлары гарызнамәләрен төзәтү-үзгәртү, төбәкләрен төгәлләштерү һәм чикләнмәгән санда яңа гарызнамә төзү мөмкинлегенә ия.

2015 елның  26 октябренә карата Порталда инде   2380 нән артык кече һәм урта эшкуардан 14728 язылу теркәлгән. Шунысын билгеләп үтәргә кирәк: Татарстан эшкуарларының гомуми сандагы өлеше әлегә башка төбәкләрдән булган КУЭ субъектлары арасындагы резидентларның өчтән береннән артык түгел, әмма нәкъ безнең республика предприятиеләренең гомуми санындагы өлеше буенча үсеш тенденциясе күзәтелә. Татарстан вәкилләреннән тыш, Мәскәү (11%), Ленинград (6%), Свердловск, Түбән  Новгород, Самара өлкәләре ( 3әр %) һәм Россия Федерациясенең башка субъектлары (2%  һәм аннан да азрак) җитештерүчеләре КУЭ өчен булдырылган әлеге мәгълүмат порталында урнаштырылган заказлар турында үзләре өчен оператив мәгълүмат алуның яңа мөмкинлеген күрделәр. 

Килеп туган вазгыять шуны күрсәтә: Татарстан компанияләре еш кына  smb.tattis.ru Порталыннан файдалануда үзләренең Россиянең башка төбәкләре  алдындагы өстенлекләрен аңлап бетермиләр. Шуларның берсе, әйтик, эшкуарның, порталда резидент буларак теркәлгәннән соң, автомат рәвештә  «Татарстан Республикасы Дәүләт заказы, ивестицияле эшчәнлек һәм төбәкара багланышлар агентлыгы» ДУП тарафыннан эшләнгән барлык ресурсларга керә алу мөмкинлеген алуы. Әлеге ресурсларда нәкъ менә Татарстанда урнашкан компанияләрнең урнаштырылган гаризалары буенча мәгълүмат тәкъдим ителә. Димәк, республика заказчысына товар китерү буенча конкурста отып, эшкуар логистикага булган чыгымнарын киметү рәвешендәге өстенлеккә ия була.

Шунысы да мөһим: әгәр эшкуар tattis.ru Татарстан Республикасы Электрон товар-мәгълүмат системасында инде теркәлгән икән,   smb.tattis.ru  Порталында тагын бер мәртәбә теркәлү таләп ителми.

Моннан тыш, Порталны эшләүчеләр сайтның әлегә алга этәрү, популярлаштыру стадиясендә булуын искәртәләр, эшкуарларны Порталда резидентлар сыйфатында теркәү, кайсы төбәктән булуларына карамастан, бушлай башкарыла. Соңрак башка төбәк компанияләре өчен теркәү түләмнәре кертелү ихтималы бар, шул ук вакытта Татарстан эшкуарларыннан түләүләр алынмаячак. 

Өстәмә мәгълүмат алу өчен, «ТР Дәүләт заказы, ивестицияле эшчәнлек һәм төбәкара багланышлар агентлыгы» ДУПнә мөрәҗәгать итәргә була. Адресы: Казан ш., Мәскәү ур., 55;  тел.: (843) 212-24-35; e-mail: smb.support@tatar.ru.