«Алабуга» МИЗнда «3М Волга» нефть-газ сәнәгате өчен коррозиягә каршы продукт җитештерү линиясе ачылды

«Алабуга» СҖТ МИЗ» ААҖ территориясендә 2015 елның  21 октябрендә 3М компаниясе заводын ачу һәм аның нефть-газ тармагы өчен коррозиягә каршы сыекча җитештерү буенча беренче линиясен эшләтеп җибәрү тантанасы уздырылды. Ачылыш тантанасында Татарстан  Республикасы Президенты Рөстәм Миңнеханов, Татарстан Республикасы икътисад министры Артём Здунов, Россиядә 3М компаниясенең генераль директоры Роберт Николс, «Алабуга» СҖТ МИЗ» ААҖ генераль директоры Тимур Шаһивәлиев, «3М Россия» компаниясенең җитештерү  департаменты директоры  Евгений Мараховский, ТР министрлыклары һәм ведомстволары вәкилләре катнашты.

«3М Волга» ҖЧҖ проекты нефть-газ сәнәгате өчен  коррозиягә каршы продукт (эпоксид һәм полиуретан сыекча) җитештерүе оештыруны күздә тота. Продукция нефть-газ тармагы ихтыяҗлары өчен ясала һәм газүткәргечләр төзелешендә һәм ремонт эшләрендә киң кулланыла. «Алабуга» МИЗ территориясендә ачылган җитештерү  2016 елда Россия базарында әлеге продукт буенча импортны алыштыруны 100 %ка хәл итәргә мөмкин.