2030 елга кадәр Татарстан Республикасының социаль-икътисадый үсеше стратегиясе төп эчтәлегенең кыскача визуаль тәкъдим ителеше «Россия төбәкләрендә һәм шәһәрләрендә стратегик планлаштыру: сайлау киңлеге һәм киңлек сайлау» XIV Гомумроссия форумында иң яхшысы дип табылды

«Россия төбәкләрендә һәм шәһәрләрендә стратегик планлаштыру: сайлау киңлеге һәм киңлек сайлау» XIV Гомумроссия форумы кысаларында «Стратегияне визуальләштерү» конкурсы үткәрелде.

Шәһәр/төбәк стратегиясенең иң мөһим функцияләренең берсе  – җирле тәңгәллекне формалаштыруга, көчләрне килештерү-яраштыруга ярдәм итү. Моның өчен стратегиянең төп идеяләре - шул исәптән визуаль чаралар ярдәмендә - төгәл билгеләнергә һәм адресатларга җиткерелергә тиеш. Стратегия танылырга, үз символларына ия булырга тиеш.

Конкурс ике номинация буенча үткәрелде: «Стратегиянең төп эчтәлегенең кыскача визуаль тәкъдим ителеше» һәм «Стратегия символы (визуаль образы)».

«Стратегиянең төп эчтәлегенең кыскача визуаль тәкъдим ителеше» номинациясе  буенча конкурста Татарстан Республикасы, Краснодар крае, Санкт-Петербург һәм Сургут шәһәрләре катнашты. Форумда катнашучыларның тавыш бирүләре нәтиҗәләре буенча Татарстан Республикасының  2030 елга кадәрге Стратегиясе буклеты «Стратегиянең төп эчтәлегенең кыскача визуаль тәкъдим ителеше» номинациясе  буенча (әлеге номинация буенча  конкурста катнашучылар материаллары белән   http://forumstrategov.ru/rus/225.html  сайтында  танышырга була) беренче урынга лаек булды.

«Стратегия символы (визуаль образы)» номинациясе буенча конкурста Татарстан Республикасы, Краснодар крае, Санкт-Петербург, Сургут һәм Новошахтинск шәһәрләре катнашты. Форумда катнашучыларның тавыш бирүләре нәтиҗәләре буенча  «Стратегия символы (визуаль образы)» номинациясе буенча  Татарстан Республикасы Стратегиясе символы (символның үзәк элементы – өскә таба ашкынулы сикереш ясаучы ак барс) икенче урынны алды. Беренче урын  Санкт-Петербург шәһәре Символына бирелде. Әлеге номинация буенча  конкурста катнашучылар материаллары белән түбәндәге сайтта танышырга мөмкин: http://forumstrategov.ru/rus/224.html.