Татарстан Республикасы Икътисад министрлыгы

Тышкы икътисадый банк «Үсеш премияләре 2016» алуга гаризалар кабул итә башлады

2015 елның 21 октябре, чәршәмбе

«Үсеш һәм тышкы икътисадый эшчәнлек банкы (Тышкы икътисадый банк)» Дәүләт корпорациясе 2016 елда Тышкы икътисадый банкның «Үсеш премиясен» тапшыру буенча конкурста катнашуга гаризалар җыя башлавы турында хәбәр итә.

«Үсеш премиясе» милли әһәмияткә ия инвестицияле һәм экспорт проектларын гамәлгә ашыру өлкәсендә куелган зур хезмәтләр өчен тапшырыла.

Конкурс түбәндәге номинацияләр буенча уздырыла:

• Иң яхшы инфраструктура проекты;

• Сәнәгать тармакларында иң яхшы проект;

• Территорияләрне комплекслы үстерү буенча иң яхшы проект;

• Кече һәм урта эшкурлык субъектының иң яхшы проекты;

• Инновацияләр һәм югары технологияләр өлкәсендә иң яхшы проект;

• Экология һәм «яшел» технологияләр өлкәсендә иң яхшы проект;

• Иң яхшы экспорт проекты;

• Чит ил инвестицияләре катнашлыгындагы иң яхшы проект.

2016 елгы Конкурста катнашуга гаризалар 2015 елның 1 октябреннән 2015 елның 31 декабренә кадәр кабул ителә. Конкурсны үткәрү шартлары, катнашучы һәм башкаручыларга - проектка карата таләпләр, һәм шулай ук Конкурс документациясе Конкурсның рәсми сайтында урнаштырылган: www.premiya-razvitiya.ru.

Конкурсны оештыру һәм уздыру сораулары буенча өстәмә мәгълүматны түбәндәге телефон номерлары буенча шалтыратып белергә мөмкин:

8 (800) 700-98-98 «Кече һәм урта эшкурлык субъектының иң яхшы проекты» номинациясе;

8 (495) 721-18-63 башка номинацияләр буенча.

БАРЛЫК ЯҢАЛЫКЛАРНЫ УКУ