Коммерциячел булмаган оешмалар игътибарына! РФ Президентының 2015 елның 1 апрелендәге 79-рп номерлы күрсәтмәсенә ярашлы 2015 елның өченче конкурсында катнашуга гаризалар кабул итү төгәлләнә

Россия Федерациясе Президентының «2015 елда социаль мөһим проектларны һәм  кеше һәм гражданин хокукларын һәм ирекләрен яклау өлкәсендәге проектларны гамәлгә ашыручы һәм граждан җәмгыяте институтларын үстерүдә катнашучы коммерциячел булмаган хөкүмәтнеке булмаган оешмаларга дәүләт ярдәме күрсәтүне тәэмин итү турында» 2015 елның 1 апрелендәге 79-рп номерлы күрсәтмәсенә ярашлы рәвештә агымдагы елның 1 октябрендә Президент грантларын бүлү буенча 2015 елның өченче конкурсы старт алды. 

Россия Федерациясе Президентының югарыда аталган күрсәтмәсе белән грантоператорлар сыйфатында сигез коммерциячел булмаган хөкүмәтнеке булмаган оешма расланды: 

«Граждан абруе» Гомумроссия иҗтимагый хәрәкәте,

«Милли хәйрия фонды» Гомумроссия иҗтимагый фонды, 

Россиянең  «Белем» Җәмгыяте – Гомумроссия иҗтимагый оешма,

«Россия Яшьләр берлеге» Гомумроссия иҗтимагый оешмасы, 

«Милләт сәламәтлеге лигасы» Гомумроссия иҗтимагый оешмасы,

Социаль-икътисадый һәм сәяси тикшеренүләр институты - Коммерциячел булмаган фонд, «Россия пенсионерлары берлеге» Гомумроссия иҗтимагый оешмасы,

«Россия хатын-кызлары берлеге» Иҗтимагый оешмасы.

Бүленә торган субсидияләрнең күләме 1,0 млрд сумны тәшкил итә.

Гаризалар кабул итү  2015 елның 29 октябренә кадәр дәвам итәчәк.

Конкурска йомгак  2015 елның 7 декабрендә ясалачак.

Конкурс турында өстәмә мәгълүмат