«Курс - инвестицияләргә» семинарында Россия Федерациясе төбәкләренең инвестицион җәлеп итүчәнлеген яхшырту буенча тәкъдимнәр эшләнде

2015 елның 16 октябрендә  Korston Club Hotel конференц-үзәгендә  «Яңа проектларны алга этәрү буенча стратегик инициативалар агентлыгы»  АКБО (алга таба - Агентлык) «Курс - инвестицияләргә» темасына семинар үткәрде. Семинар Татарстан Республикасы Икътисад министрлыгы ярдәме белән оештырылды.

Чараның эше Агентлыкның Инвестицияле климатны үстерү департаменты директоры Евгений Подшивалов чыгышы белән башланып китте. Ул Россия Федерациясе төбәкләрендә бизнесны алып бару шартларын һәм инвестицияле климатны яхшырту буенча башкарыла торган эш турында сөйләде. Үзенең чыгышында  Евгений Подшивалов бизнесның нинди проблемаларга юлыгуы турында эшкуарларның үзләреннән дә яхшырак аңлатып бирүче юклыгына басым ясады. Шулай ук чараны ачу барышында сәламләү сүзе белән Татарстан Республикасы икътисад министры урынбасары  Булат Хаҗиәхмәтов чыгыш ясады. Ул Татарстан Республикасында кече һәм урта бизнеска ярдәм итү, административ каршылыкларны киметү һәм Агентлык тарафыннан инвестицияле климатны яхшырту буенча күтәрелгән инициативаларны тормышка ашыру җәһәтеннән башкарыла торган эш турында  сөйләде.