Татарстан Республикасы Икътисад министрлыгы

«Җиһазлар сатып алуга бәйле чыгымнарны субсидияләү» чарасы буенча чираттагы конкурста җиңүче дип 53 катнашучы табылды

2015 елның 15 октябре, пәнҗешәмбе

«Татарстан Республикасы кече һәм урта эшкуарлыгына ярдәм күрсәтү һәм үстерү программаларын тормышка ашыру үзәге» Дәүләт казна учреждениесе тарафыннан «Җиһазлар сатып алуга бәйле чыгымнарны субсидияләү» чарасы буенча ярдәм күрсәтү конкурсы комиссиясе утырышына йомгак ясалды.

Конкурс комиссиясенең 2015 елның 6 һәм 7 октябре көннәрендә үткәрелгән йомгаклау утырышында 2015 елда Татарстан Республикасы бюджетыннан субсидияләр алу хокукына уздырылган конкурста җиңүчеләрнең бирелергә тиешле субсидияләр күләме дә күрсәтелгән исемлеге расланды.

«Җиһазлар сатып алуга бәйле чыгымнарны субсидияләү» чарасы буенча ярдәм күрсәтү конкурсы комиссиясенең йомгаклау утырышы беркетмәсе белән Татарстан Республиксы Икътисад министрлыгы сайтындагы «Кече һәм урта эшкуарлыкны үстерү һәм ярдәм итү» бүлегенең «Беркетмәләр» бүлекчәсендә танышырга мөмкин.

Татарстан Республикасы Министрлар Кабинетының 2015 елның 15 апрелендәге 255нче карары белән расланган нигезләмәгә ярашлы, эшкуарлык субъектларының җиһазлар сатып алуга бәйле чыгымнарын субсидияләү максатына акчалар алу өчен, түбәндәге документларны 2015 елның 12 ноябренә кадәр тапшырырга кирәк:

- җиһазларны милек итеп сатып алу буенча төзелгән килешүләрнең күчермәләре;

- сатып алынган җиһазлар өчен тулы күләмдә түләнелеп бетүен раслый торган һәм түләү турында банк билгесе куелган түләү кәгазьләренең күчермәләре;

- товар өчен накладной яисә җиһазны кабул итү-тапшыру акты кәгазьләре күчермәләре;

- күрсәтелгән җиһазның баланска куелуын раслый торган бухгалтер документларының күчермәләре;

- сатып алына торган җиһазларның базар бәясен билгеләү экспертизасы бәяләмәсе;

- «Ак барс банк»та исәп-хисап счеты ачылу турында килешүнең күчермәсе.

БАРЛЫК ЯҢАЛЫКЛАРНЫ УКУ