Сәламәтлек саклау, мәгариф һәм мәдәният өлкәләрендә идарәче кадрларны әзерләү программасының чираттагы этабы старт алды

2015 елның 9 октябре, җомга

«Россия Федерациясе Президенты каршындагы Россия халык хуҗалыгы һәм дәүләт хезмәте академиясе» (алга таба – Академия) Югары белем бирүнең Федераль дәүләт бюджет белем бирү учреждениесе  2015 елда Сәламәтлек саклау, мәгариф һәм мәдәният өлкәләрендә идарәче кадрларны әзерләү программасының башлануын игълан итте (өстәмә һөнәри белем бирү программалары буенча). 

Программа югарыда аталган өлкәләргә караган оешма һәм идарәче органнар җитәкчеләрен укытуга йөз тота. 

Расланган квоталарга ярашлы рәвештә, Татарстан Республикасыннан программада катнашу өчен, 65 тыңлаучыдан торган исемлек төзелде, аларның составына түбәндәгеләр керде:

- 6 мәдәният белән идарә итү органы җитәкчесе (җитәкче урынбасарлары);
- 8 мәгариф белән идарә итү органы җитәкчесе (җитәкче урынбасарлары);
- 25 белем бирү оешмасы җитәкчесе (җитәкче урынбасарлары);
- 1 сәламәтлек саклау белән идарә итү органы җитәкчесе;
- 25 сәламәтлек саклау учреждениесенең баш табибы (баш табиб урынбасарлары).

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International