Татарстан Республикасы Икътисад министрлыгында министрлык ветераннарын Өлкәннәр көне белән котладылар

Татарстан Республикасы Икътисад министрлыгында  2015 елның 1 октябре – Халыкара өлкәннәр көнендә  күркәм традиция буенча, озак еллар дәвамында министрлыкта хезмәт куеп,  республиканың социаль-икътисадый үсешенә зур өлеш керткән, көч куйган  ветераннар өчен тантаналы чара үткәрелде. 

Ветераннарны министр һәм министрлык коллективы исеменнән Татарстан Республикасы икътисад министрының беренче урынбасары – Эшкуарлыкны үстерү департаменты директоры Рөстәм Сибгатуллин һәм министр урынбасары Олег Пелевин котлады. Аннан соң күңелләре белән мәңге яшь өлкән буын вәкилләре өчен концерт һәм бәйрәм өстәле оештырылды.

Министрлык ветераннары белән очрашу вакытында үткән хезмәт юлы һәм уртак эш турында хатирәләр яңартылды, җылы сүзләр яңгырады. Очрашу дустанә һәм иркен шартларда дәвам итте. Кунаклар оештыручыларга кунакчыллыклары, киң күңеллелекләре өчен  рәхмәтләрен белдерделәр, министр һәм министрлык коллективына олы рәхмәт хисләрен җиткерделәр.