Казанда халык социаль проектлары конкурсы җиңүчеләренә сертификатлар тапшырдылар

2014 елның 18 июле, җомга
Бүген ТР Хөкүмәте Йортында ТР муниципаль районнары һәм шәһәр округлары социаль проектлары конкурсы җиңүчеләренә һәм лауреатларына сертификатлар тапшыру тантанасы булды.

Халык социаль проектлары конкурсының фиинал этбы 15 нче июльдә ТР Икътисад министрлыгында узды. Конкурс комиссиясе 10 җиңүчене һәм 43 лауреатны билгеләде. Бүген ТР Премьер-министры вазыйфасын башкаручы Алексей Песошин аларга сертификатлар тапшырды.

Исегезгә төшерик: “Бердәм Россия” партиясе инициативасы буенча оештырылган халык социаль проектлар конкурсы Татарстанда икенче тапкыр уздырыла. Быел грант фонды 35 млн.сумга кадәр арттырылган. Җиңүчеләр өчен грант күләме 1 млн.сумга җитә, лауреатлар өчен – 580 мең сум.

Конкурста җиңүчеләрнең һәм лауреатларның проектлары актуаль социаль бурычларны хәл итүгә юнәлдерелгән.

А.Песошин билгеләп үткәнчә, конкурс шартлары нигезендә проектлар быел 1 нче октябрьгә кадәр тормышка ашырылырга тиеш.

“Проектны тормышка ашыруга таләп ителгән акчаларның ким дигәндә 40 проценты җәлеп ителгән инвестицияләр һәм муниципаль районнарның үз акчалары булырга тиеш, 60 процентка кадәре – грант акчасы. ТР Икътисад министрлыгы грантларның максатчан кулланылуын һәм проектларны вакытында тормышка ашыруны контрольда тотачак”, - дип ассызыклады А.Песошин.

ТР Дәүләт Советы вице-спикеры, “Бердәм Россия” партиясенең төбәк бүлеге секретаре урынбасары Римма Ратникова быел конкурсны уздыру турында карар кабул ителүнең сәбәбен искәртеп үтте.
Яз көне, Татарстан төбәк бүлеге инициативасы буенча ТРның күп кенә районнарында “Бердәм Россия” көннәре уздырылганда, партия активистларына кешеләр төрле тәкъдимнәр һәм инициативалар белән мөрәҗәгать иткән. Р.Ратникова сүзләренчә, аларның күпчелеге эшне башлап җибәрү өчен, акча булса, яхшы социаль проектларны тормышка ашыра алулары турында әйткән.

“Бердәм Россия”леләр бу мөрәҗәгатьләр турында фикер алышкан, һәм ТР ДС Рәисе, “Бердәм Россия” партиясенең төбәк бүлеге Секретаре Фәрит Мөхәммәтшин ТР Президентына мөрәҗәгать иткән. Рөстәм Миңнеханов ТР муниципаль районнары һәм шәһәр округлары социаль проектлары конкурсын уздыру идеясен хуплаган.

“Бәлки, акчалар күп түгелдер, ләкин 1 млн.сум авыл җирлеге өчен – бу бик җитди. Моңа тагын инициативалы кешеләрне җәлеп итсәң, бөтен дөнья белән зур эшләр башкарырга мөмкин, проект шуңа юнәлдерелгән дә инде”, - дип билгеләде Р.Ратникова.

Конкурста җиңгән 10 проект арасында икесе Казаннан. Аерым алганда, 1 млн. сум күләмендә грантны “Харовое күле” экопаркына урам утларын монтажлау” проекты алды.

Искәртик: Казанлылар шәһәр хакимиятенә Харовое күлен саклап кына алмыйча, анда уңайлыклар булдыру үтенече белән мөрәҗәгать итте. Нәтиҗәдә, эшләрнең планы расланды, ул күл территориясендә экопарк һәм ял итү зонасын оештыру белән уңайлыклар булдыруны күз алдында тота.
“Татар-информ” МА
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Матбугат үзәге
Документлар
Кабул итү һәм мөрәҗәгатьләр
Адрес: 420021, Казан шәһәре, Мәскәү урамы, 55
Телефон: +7 (843) 524–91–11 (приемная министра); +7 (843) 524–91–12 (приемная заместителя министра, курирующего вопросы поддержки малого и среднего предпринимательства); +7 (843) 524–90–90 (горячая линия по вопросам развития и поддержки предпринимательства)
Факс: +7 (843) 524–91–23; +7 (843) 524-91-22 (проверка, канцелярия +7 (843) 524-91-21)
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International