Россия авыл хуҗалыгы башлыгы Татарстанда: Без монда конкурентлы мохиттә, һәм без сездә агросәнәгать комплексын киләчәктә үстерүгә иҗади якын килү булуын телибез

2014 елның 11 июле, җомга
2014 елның гыйнвар-июнендә Татарстан Республикасында тулай авыл хуҗалыгы продукциясе 64,0 млрд сум тәшкил иткән, ягъни 2013 елның шул чорына 104%. Бу хакта бүген Татарстан Республикасында терлекчелек үсеше перспективалары һәм аның торышы мәсьәләләре буенча булган республика киңәшмәсендә ТР Премьер-министры урынбасары – ТР авыл хуҗалыгы һәм азык-төлек министры Марат Әхмәтов хәбәр итте. 

Киңәшмәне Россия авыл хуҗалыгы министры Николай Федоров уздырды, ул Татарстанда ике көнлек эшлекле очрашуда иде. 
Киңәшмә кош ите җитештерүче компанияләрнең берсе – “Чаллы-бройлер” ҖЧҖ (Чаллы ш.) мәйданчыгында узды. 
Киңәшмә эшендә ТР Премьер-министры Илдар Халиков катнашты. 

Николай Федоров киңәшмәдә катнашучыларны сәламләде һәм халыкны икмәк белән тәэмин итеп, авыл хуҗалыгын үстерүдә иҗади шөгыльләнүчеләрне Россия агросәнәгать комплексының патриотлары дип атады.
Аның сүзләренчә, Татарстанда агросәнәгать үсешенең нәтиҗәләре лидерлык позициясен дәгъвалый ала. Без бүген конкурентлы мохиттә, һәм без сездә агросәнәгать комплексын киләчәктә үстерүгә иҗади якын килү булуын телибез, диде ул.

Илдар Халиков үз чиратында, республика киңәшмәсендә катнашучыларны сәламләп, Николай Федоровка Татарстанга килүе өчен рәхмәт белдерде. 
Без лидерлык позициясен саклап калырга тырышырбыз һәм уңай динамика күрсәтербез, дип белдерде Илдар Халиков. 

ТР Президенты матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Матбугат үзәге
Документлар
Кабул итү һәм мөрәҗәгатьләр
Адрес: 420021, Казан шәһәре, Мәскәү урамы, 55
Телефон: +7 (843) 222-90-60 (доб. 377) (приемная министра); +7 (843) 222-90-60 (доб. 370) (приемная заместителя министра, курирующего вопросы поддержки малого и среднего предпринимательства); +7 (843) 524–90–90 (горячая линия по вопросам развития и поддержки предпринимательства)
Факс: телефон для справок +7 (843) 222-88-21 (доб.419 или доб. 452)
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International