ТР Премьер-министры Илдар Халиков Актаныш муниципаль районында булды

2014 елның 11 июле, җомга
Бүген Татарстан Республикасы Премьер-министры Илдар Халиков Актаныш муниципаль районында булды. 

ТР Министрлар Кабинеты башлыгы һәм аны озата йөрүчеләр “Умырзая” балалар бакчасында булдылар (Актаныш авылы, Һ.Такташ ур., 53).

Илдар Халиков яңа балалар бакчасының тантаналы ачылышында катнашты һәм Актаныш балаларын һәм аларның әти-әниләрен бу вакыйга белән котлады. Яңа балалар бакчасы 140 урынга, ягъни 6 төркемгә исәпләнгән. Монда методика кабинеты, тормыш иминлеге нигезләре кабинеты, медицина блогы, физкультура һәм музыка заллары бар. 

ТР Премьер-министры Илдар Халиков һәм ТР мәгариф һәм фән министры Энгель Фәттахов “Мәктәпкә җыенырга ярдәм ит” республика акциясендә катнашты. Булачак 1 нче сыйныф укучыларына тантаналы төстә мәктәп портфельләре тапшырдылар.

Алга таба Илдар Халиков спорт секцияләре дәресләре барган “Актаныш” универсаль спорт залында булды (Актаныш авылы, Җиңүнең 50 еллыгы ур., 1А. 

Шулай ук Актаныш авылында “Бөрлегән” шәхси балалар бакчасында булды. Бу балалар бакчасы 2013 нче елдан эшли, 183 кв. м мәйданны били. Ул 3 яшькә кадәр булган балалардан торган ике төркемгә исәпләнгән, һәр төркемдә 15әр бала. 

2013-2014 нче уку елында Актаныш муниципаль районында 42 мәктәпкәчә белем бирү йорты эшли, аларга 1560 бала йөри. Район үзәгендә 5 мәктәпкәчә белем бирү оешмасы эшли.

Актаныш муниципаль районына килү кысаларында ТР Премьер-министры “Бүләк” балалар сәламәтләндерү лагерендә булды. Бу лагерь базасында милли-мәдәни профильнең икенче төбәкара сменасы уза. 

Илдар Халиковка, профиль сменасына Татарстаннан һәм Россия Федерациясенең 15 төбәгеннән, шулай ук Казакъстаннан һәм Таҗикстаннан 7-11 нче сыйныфта укучы, төрле фән олимпиадалары, интеллектуаль конкурслар һәм фестивальләр призерлары һәм җиңүчеләре, фәнни-гамәли конференцияләрдә, форумнарда, иҗтимагый проектларда катнашучылар кабул ителәчәк, дип сөйләделәр.

Илдар Халиков лагерь территориясен карады, балалар белән татар телендә аралашты.

ТР Президенты матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Матбугат үзәге
Документлар
Кабул итү һәм мөрәҗәгатьләр
Адрес: 420021, Казан шәһәре, Мәскәү урамы, 55
Телефон: +7 (843) 222-90-60 (доб. 377) (приемная министра); +7 (843) 222-90-60 (доб. 370) (приемная заместителя министра, курирующего вопросы поддержки малого и среднего предпринимательства); +7 (843) 524–90–90 (горячая линия по вопросам развития и поддержки предпринимательства)
Факс: телефон для справок +7 (843) 222-88-21 (доб.419 или доб. 452)
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International