Татарстан Республикасында күп фатирлы торак йортларны капиталь ремонтлау буенча эшләр 687 объектта башланган

Татарстан Республикасының 40 муниципаль берәмлегендә күп фатирлы торак йортларны капиталь ремонтлау буенча эшләр 687 объектта башланган ( планлаштырылганның 86,6 %). Бу хакта бүген ТР Хөкүмәте Йортында узган республика киңәшмәсендә ТР төзелеш, архитектура һәм торак-коммуналь хуҗалык министры Ирек Фәйзуллин хәбәр итте.

Киңәшмәне республиканың барлык муниципаль районнары белән видеоконференцэлемтә режимында ТР Премьер-министры Илдар Халиков уздырды.

Гомуми белем бирү мәктәпләрен капиталь ремонлауга килгәндә, 2014 ел программасы кысаларында барлык 159 мәктәптә эш башланган, үзләштерү 42% тәшкил итә.

30 апрельгә балалар сәламәтләндерү лагерьларын капиталь ремонтлау буенча эшләр барлык 13 объектта бара, үзләштерү 64,3 % тәшкил итә.

2014 елга каралган барлык объектлардагы эшләрне төгәлләү срогы 2014 елның 25 маена дәүләт контракты тарафыннан билгеләнгән.

ТРның газлаштыру фонды тарафыннан муниципалитетлар җитәкчелеге белән бергә социаль билгеләнештәге объектларда җылылык җайланмаларын ремонтлау программасы каралган – 519 котельныйда 782 казан.

2014 елга муниципаль районнарда ветеринария берләшмәләрен һәм авыл хуҗалыгы идарәләрен капиталь ремонтлау программасы буенча 15 объектта ремонт эшләре бара.

Участок ветеринария пунктлары төзелеше кысаларында 2014 елның 2 маена 25 объектта эшләр төгәллләнгән, шул исәптән 7 объект файдалануга тапшырылган.

Җиде объектта (Баулы, Алабуга, Кайбыч, Кама-Тамагы, Яңа чишмә, Чирмешән, Ютазы районнарында) төзелеш эшләре график буенча башланачак.