«2014 – 2020 елларга Татарстан Республикасы халкын сыйфатлы торак һәм торак-коммуналь хуҗалык хезмәтләре күрсәтү белән тәэмин итү» дәүләт программасы расланды

Татарстан Республикасы Министрлар Кабинетының 2014 ел, 30 апрель, 289 нчы карары белән «2014 – 2020 елларга Татарстан Республикасы халкын сыйфатлы торак һәм торак-коммуналь хуҗалык хезмәтләре күрсәтү белән тәэмин итү» дәүләт программасы расланды.
Татарстан Республикасы Министрлар Кабинеты КАРАР БИРӘ:

1. Бу карарга теркәлгән «2014 – 2020 елларга Татарстан Республикасы халкын сыйфатлы торак һәм торак-коммуналь хуҗалык хезмәтләре күрсәтү белән тәэмин итү» дәүләт программасын (алга таба – Программа) расларга.
2. Программаның дәүләт заказчысы-яраштыручысы итеп Татарстан Республикасының Төзелеш, архитектура hәм торак-коммуналь хуҗалык министрлыгын билгеләргә.
3. Татарстан Республикасының Финанс министрлыгына ел саен, чираттагы финанс елына Татарстан Республикасы бюджетын формалаштырганда, мөмкинлекләрне исәпкә алып һәм бу максатларга Татарстан Республикасы бюджетыннан җибәрелә торган акча чикләрендә Программа чараларын тормышка ашыруга акча күздә тотарга.
4. Татарстан Республикасы Министрлар Кабинетының түбәндәге карарлары үз көчен югалткан дип санарга:
«2012-2015 елларга «Татарстан Республикасында яшь гаиләләрне торак белән тәэмин итү» озак вакытлы максатчан программасы турында» 2011 ел, 24 сентябрь, 789 нчы;
«Татарстан Республикасы Министрлар Кабинетының 2011 ел, 24 сентябрь, 789 нчы карары белән расланган «2012-2015 елларга «Татарстан Республикасында яшь гаиләләрне торак белән тәэмин итү» озак вакытлы максатчан программасына үзгәрешләр кертү турында» 2012 ел, 29 февраль, 170 нче;
«Татарстан Республикасы Министрлар Кабинетының «2012-2015 елларга «Татарстан Республикасында яшь гаиләләрне торак белән тәэмин итү» озак вакытлы максатчан программасы турында» 2011 ел, 24 сентябрь, 789 нчы карары белән расланган 2012-2015 елларга «Татарстан Республикасында яшь гаиләләрне торак белән тәэмин итү» озак вакытлы максатчан программасына үзгәрешләр кертү хакында» 2013 ел, 27 февраль, 133 нче;
«Татарстан Республикасы Министрлар Кабинетының «2012-2015 елларга «Татарстан Республикасында яшь гаиләләрне торак белән тәэмин итү» озак вакытлы максатчан программасы турында» 2011 ел, 24 сентябрь, 789 нчы карары белән расланган 2012-2015 елларга «Татарстан Республикасында яшь гаиләләрне торак белән тәэмин итү» озак вакытлы максатчан программасына үзгәрешләр кертү хакында» 2013 ел, 4 июль, 473 нче;
«2012 – 2015 елларга hәм 2020 елга кадәрге перспективага Татарстан Республикасы халкының су белән тәэмин итү hәм су чыгару хезмәтләре күрсәтү белән тәэмин ителешен яхшырту» озак вакытлы максатчан программасын раслау турында» 2012 ел, 26 апрель, 324 нче.
5. Бу карарның үтәлешен тикшерүдә тотуны Татарстан Республикасының Төзелеш, архитектура hәм торак-коммуналь хуҗалык министрлыгына йөкләргә.