Илдар Халиков: “Җитештерүдәге имгәнүләрнең кимүе күзәтелә, ләкин бик аз”

2014 елның 9 апреле, чәршәмбе
Татарстанның Хезмәт, мәшгульлек һәм социаль яклау министрлыгына тармак министрлыклары һәм ведомстволары белән бергә республиканың сәнәгать һәм төзелеш объектларында нормаларны һәм куркынычсызлык техникасы кагыйдәләрен бозуны бетерү өчен өстәмә чаралар күрергә кирәк.

Бу хакта бүген ТР Премьер-министры Илдар Халиков “2013 нче ел нәтиҗәләре буенча Татарстан Республикасында хезмәтне саклау һәм аның шартларының торышы һәм җитештерүдәге имгәнүләрне киметү буенча күрелә торган чаралар” мәсьәләсе буенча ТР Министрлар Кабинеты утырышы барышында хәбәр итте. 

Утырышны ачканда, ТР Премьер-министры Илдар Халиков- “Җитештерүдәге имгәнүләр һәм кешеләрнең үлүе безнең барыбызны да борчый , 2013 нче ел һәм 2014 ел башы нәтиҗәләре канәгатьләндерә алмый”,- дип белдерде. 

Төп докладны ТР хезмәт, мәшгульлек һәм социаль яклау министры Айрат Шәфигуллин ясады. Ул хәбәр иткәнчә, 2013 елда Татарстанда765 хезмәткәр (2012 елда – 865 кеше) җитештерүдә зыян күргән. Айрат Шәфигуллин сүзләренчә, Идел буе федераль округы төбәкләре арасында җитештерүдәге имгәнүләр дәрәҗәсе буенча республика уңай күрсәткечләрне һәм кимүгә барган темпны саклый. 

2013 нче елда җитештерүдә 103 кеше үлгән, ә 2014 елның беренче өч аенда инде 24 кеше. Иң күп үлүчеләр саны Казанда (36 кеше), Чаллыда (15), Лаеш районында (7), Әлмәт һәм Түбән Камада (6 шар кеше). 
Иң проблемалы тармак булып төзелеш кала, анда 2013 нче елда 33 кеше үлгән. Транспорт, элемтә тармагында 15 кеше,, авыл хуҗалыгында да шул кадәр, эшкәртү производствосында 14 кеше үлгән. 

Айрат Шәфигуллин сүзләренчә, җитештерүдә имгәнүләр һәм үлем очракларына китергән сәбәпләр – эшне оештыруның канәгатьләнерлек булмавы, юл хәрәкәтләре кагыйдәләрен бозу, төзек булмаган машина һәм җайланмалардан файдалану, индивидуаль саклану чараларын кулланмау, хезмәт дисциплинасын бозу. 

Үлем очракларын тикшерү нәтиҗәләре буенча гаеплеләргә һәм эш бирүчеләргә 33 җинаять эше кузгатылган, 2,65 млн сумга штраф салынган.

“Без формаль яктан яхшы күренешкә ия, ләкин хәл элеккечә катлаулы. Барлыкка килгән уңай динамика бик түбән”, -дип йомгаклады Илдар Халиков. 
Ул Хезмәт, мәшгульлек һәм социаль яклау министрлыгына, Дәүләт хезмәт инспекциясе, Төзелеш, архитектура һәм торак-коммуналь хуҗалык министрлыгы белән бергә төзелеш объектларында куркынычсызлык нормалары таләпләрен сакламаган оешмаларны җәзага тарту мөмкинлекләрен кабат карауны йөкләде.
ТР Президенты матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Матбугат үзәге
Документлар
Кабул итү һәм мөрәҗәгатьләр
Адрес: 420021, Казан шәһәре, Мәскәү урамы, 55
Телефон: +7 (843) 222-90-60 (доб. 377) (приемная министра); +7 (843) 222-90-60 (доб. 370) (приемная заместителя министра, курирующего вопросы поддержки малого и среднего предпринимательства); +7 (843) 524–90–90 (горячая линия по вопросам развития и поддержки предпринимательства)
Факс: телефон для справок +7 (843) 222-88-21 (доб.419 или доб. 452)
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International