2026 елда Татарстанда МХОда катнашучы эшмәкәрләр ярты миллиард сум тирәсе дәүләт ярдәме алды
Алты ай нәтиҗәләре буенча Татарстанда МХОда катнашучы эшмәкәрләргә һәм аларның гаилә әгъзаларына, шулай ук хезмәткәрләре махсус операция зонасында хезмәт итүче предприятиеләргә эшмәкәрлеккә ярдәм программалары буенча 500 млн сумга якын акча җибәрелгән.
«МХО ярдәме» махсус микрофинанс продукты буенча 2026 елның ярты елында 60тан артык гариза бирүче 280 млн сумнан артык ярдәм алган. Тагын 175 млн сум микрозаймнар буенча поручительлек сыйфатында бирелгән. «МХО лизинг ярдәме» ташламалы лизинг программасы буенча алучылар җиһазларны, транспорт чараларын яңартуга яисә сатып алуга 40 млн сумга якын акча җәлеп иткәннәр.
Исегезгә төшерәбез, Татарстан Республикасы Икътисад министрлыгы ведомство буйсынуындагы эшмәкәрлеккә ярдәм институтлары белән берлектә «Нәтиҗәле һәм конкурентлы икътисад» илкүләм проекты кысаларында МХОда катнашучы эшмәкәрләргә һәм аларның гаилә әгъзаларына үз бизнесларын ачуда һәм үстерүдә ярдәм итүгә юнәлдерелгән чаралар комплексын гамәлгә ашыра. Әлеге чаралар кысаларында финанс һәм финанс булмаган ярдәм программалары комплексы гамәлгә ашырыла.
Микрофинанс ярдәме «МХО ярдәме» махсус продукты буенча елына 1% тан минималь ставка буенча 5 млн сумга кадәр бирелә. Продукт шартлары буенча 3 елга кадәр срокка ташламалы заемны МХОда катнашучылар яисә аларның гаилә әгъзалары төзегән компанияләр алырга мөмкин.
Исегезгә төшерәбез, быел шулай ук лизинг продуктлары буенча финанслау лимитлары ике тапкыр арттырылды, шул исәптән «МХО катнашучыларына лизинг ярдәме». Программа буенча максималь сумма җиһазлар сатып алуга еллык 5% ставкасы белән 20 млн сумнан 40 млн сумга кадәр арттырылды.
Моннан тыш, республикада финанс булмаган ярдәм чаралары комплексы гамәлгә ашырыла, алар арасында консультацияләр, үз эшеңне башлап җибәрүдә һәм үстерүдә ярдәм, бизнес-план эшләү һәм башкалар бар.
Шулай ук 300 гә якын ветеран һәм аларның гаилә әгъзалары узган «СВОе дело» эшмәкәрлек алып баруга өйрәтү программасын гамәлгә ашыру дәвам итә. Аны тәмамлаучыларның кайберләре инде үз проектларын башлап җибәргән һәм үз эшләрен уңышлы үстерә.
Бизнеска ярдәм итү чаралары турында бердәм контакт үзәге номеры буенча белергә мөмкин: 8 (843) 524 - 90-90, шулай ук ТР Икътисад министрлыгы сайтында.