Татарстан медиапроекты Рәсәйдә эшмәкәрлеккә ярдәм итүнең иң яхшы практикасына әверелде
“Минем бизнес” республика үзәге “Иң яхшы медиапроект” номинациясендә җиңүче булды. Сайлап алу нәтиҗәләрен Красноярскида “Минем бизнес. Лагерь” конкурсында кече һәм урта эшмәкәрлеккә ярдәм итүнең иң яхшы төбәк практикалары конкурсына йомгак ясалды.
“Минем бизнес” төбәк үзәге эшмәкәрләргә “Нәтиҗәле һәм конкурентлы икътисад” милли проекты буенча ярдәм күрсәтә.
Видеогид форматындагы “Киләчәк фабрикасы” сигез серияле республика медиапроекты Татарстан Республикасы муниципаль сәнәгать паркларын популярлаштыруга, аларның мөмкинлекләрен, урнаштыру шартларын, инфраструктура өстенлекләрен һәм бизнесны эшләтеп җибәрү һәм үстерү өчен перспективаларны күрсәтүгә юнәлдерелгән.
“Проект эшмәкәрләргә реаль үсеш нокталарын күрсәтә, производствоны урнаштыру өчен мәйданчык сайлаганда мәгълүмати киртәне киметә һәм муниципалитетларның сәнәгать инфраструктурасына кызыксыну уята. “Киләчәк фабрикасы” проектының уникальлеге муниципаль сәнәгать паркларын “Белгечләр өчен инфраструктура темасы”ннан эшмәкәрләр өчен аңлаешлы һәм кызыктыргыч продуктка әйләндерүдә тора”, - дип сөйләде министрның беренче урынбасары - Эшмәкәрлекне үстерү департаменты директоры Наталья Кондратова.
Медиапроектны гамәлгә ашыру нәтиҗәләре буенча республика сәнәгать паркларына 75 яңа резидент җәлеп ителде. Алар 935 эш урыны булдырганнар. Резидентларның гомуми әйләнеше 10 млрд сумга арткан һәм 270 млрд сум тәшкил иткән. Проект медиапродуктның эшмәкәрлекне, сәнәгать инфраструктурасын үстерү һәм муниципаль сәнәгать паркларына бизнес җәлеп итү коралы буларак югары нәтиҗәлелеген раслады.
Иң яхшы төбәк практикалары конкурсы 2021 елдан башлап ел саен Рәсәй Икътисади үсеш министрлыгы инициативасы белән үткәрелә. 2026 елда катнашуга илнең 78 төбәгеннән гаризалар килде, алар кече һәм урта эшмәкәрлеккә ярдәм итүгә юнәлдерелгән 300 гә якын проектны тәкъдим иттеләр. Рәсәй Федерациясенең башка субъектларында гамәлгә кертү өчен иң зур нәтиҗәлелек һәм потенциал күрсәткән инициативалар җиңүче булды.