Рәсәй эшмәкәрлеге көнендә Татарстан бизнесы бушлай бөтенрәсәй онлайн-марафонында катнаша ала
26 майда Рәсәй эшмәкәрлеге көнендә Татарстан бизнесының “Минем бизнесым - минем киләчәгем” масштаблы онлайн - марафонында катнашу мөмкинлеге бар.
Оештыручылар булып Рәсәй Икътисади үсеш министрлыгы һәм “Минем бизнес” Милли агентлыгы тора, вакыйганы “Нәтиҗәле һәм конкурентлы икътисад” милли проекты буенча гамәлгә ашыралар. Белем бирү чарасы 10 сәгать дәвам итәчәк, башлана - Мәскәү вакыты белән 10:00 дә.
Бизнесны заманча чынбарлыкка җайлаштыру - алда торган вакыйганың төп темасы. Диалог стартаперлар өчен дә, үз эшен уңышлы үстерүчеләр һәм киңәйтүчеләр өчен дә кыйммәтле булачак.
Чарага федераль дәрәҗәдәге әйдәп баручы белгечләр җыелачак. Алар арасында илебезнең эре компанияләре җитәкчеләре, мәгариф инициативалары вәкилләре, төрле тармак лидерлары һәм җәмәгать эшлеклеләре бар.
Чыгыш ясаучылар исемлегендә: АУРЭК Эксперт советы әгъзасы Алексей Никонов, АРПИ Консалтинг башлыгы Максим Поташев, “Авито Работа” платформасында бизнесны үстерү буенча әйдәп баручы белгеч Олег Вязовой һәм башка абруйлы экспертлар бар.
Спикерлар бизнес-процессларны оптимальләштерү, конкурентлыкка сәләтлелекне саклап калу һәм стратегик ориентирларга ирешү буенча файдалы инструментлар белән уртаклашачаклар.
Шулай ук төп темалар исемлегендә цифрлы экосистемалар белән үзара хезмәттәшлек, ясалма интеллект технологияләрен куллану, хезмәт базарындагы үзгәрешләр һәм эшлекле бурычларны хәл итү өчен креатив алымнар куллану.
Чара Рәсәйнең бөтен территориясен колачлый, турыдан-туры трансляцияләр оештырылачак.
Эфирда шулай ук төбәк бизнесы лидерлары белән интервьюлар булачак, алар бүген үсеш юнәлешен билгелиләр һәм үз шәһәрләрендә һәм өлкәләрендә эшлекле көн тәртибен формалаштыралар.
Болардан тыш, вакыйга кысаларында Рәсәй Икътисадый үсеш министрлыгының яңа масштаблы инициативасы - кече һәм урта бизнес сегментында җитештерү һәм креатив эшмәкәрлекне үстерүгә юнәлдерелгән “Креатив код. Рәсәй” милли программасы тәкъдим ителәчәк.
Катнашу өчен бизнесмарафон.рф сайтында теркәлү кирәк.
Теркәлгән катнашучыларга почтага трансляциягә сылтама һәм спикерлардан файдалы материаллар җибәреләчәк.