Икътисад министрлыгы эшмәкәрләрне республикада мәдәни мирас объектларын ташламалы арендалау кагыйдәләре буенча фикер алышуга чакыра

Татарстан Республикасы Икътисад министрлыгы 2026 елның 21 маеннан башлап, Татарстан Республикасы Министрлар Кабинетының 2017 елның 9 ноябрендәге 852 нче номерлы “Рәсәй Федерациясе халыкларының мәдәни мирас объектларының (тарихи һәм мәдәни һәйкәлләренең) бердәм дәүләт реестрына кертелгән, канәгатьләнерлек булмаган хәлдәге, Татарстан Республикасы милкенә караган кулланылмаган мәдәни мирас объектлары өчен ташламалы аренда түләүләрен билгеләү тәртибен һәм Рәсәй Федерациясе халыкларының Татарстан Республикасы милкенә караган канәгатьләнерлек булмаган хәлдәге кулланылмаган мәдәни мирас объектларын (тарихи һәм мәдәни һәйкәлләрен) физик һәм юридик затларга арендага бирү тәртибен раслау турында”гы карарын тикшерү үткәрәчәк. 

Экспертиза уздыруның максаты булып җайга салу максатларын эшләү һәм кабул итү барышында игълан ителгән максатларга ирешүне, хокукый җайга салуның тәкъдим ителгән ысулының нәтиҗәлелеген бәяләү, хокукый җайга салуның тәкъдим ителгән ысулының факттагы уңай һәм тискәре нәтиҗәләрен хокук куллану практикасын анализлау юлы белән бәяләү тора.

Бизнес-берләшмәләр вәкилләрен һәм башка кызыксынган затларны күрсәтелгән норматив хокукый актка экспертиза кысаларында гавами консультацияләрдә катнашырга чакырабыз.

Гавами консультацияләр үткәрү вакыты - 2026 елның 21 маеннан 2026 елның 20 июненә кадәр.

Искәрмәләрне һәм тәкъдимнәрне Татарстан Республикасы Икътисад министрлыгының җайга салу йогынтысын бәяләү һәм конкуренцияне үстерү бүлегенә электрон почта аша җибәрүегезне сорыйбыз: EV.Filippova@tatar.ru.