Татарстанда Рәсәй эшмәкәрлеге көнен масштаблы уздыру турында игълан иттеләр
Ел саен Татарстанда Рәсәй эшмәкәрлеге көне киң билгеләп үтелә: бизнес белән очрашулар, форумнар, семинарлар һәм мастер-класслар уза. Быел шулай ук креатив һәм платформалы икътисад форумын, эшмәкәрләр белән очрашуны, эшлекле веломарафонны, бизнесны “Гадел билге” системасында товарларны маркировкалау кагыйдәләрен бозуларны ачыклау процессын автоматлаштыруга әзерләү буенча семинарны, шулай ук “Мәктәп бизнес-старты” проектының финалын үз эченә алган масштаблы программа планлаштырылган.
Бүген Рәсәй эшмәкәрлеге көне чараларына багышланган матбугат конференциясендә Татарстан Республикасы Икътисад министрының беренче урынбасары - Эшмәкәрлекне үстерү департаменты директоры Наталья Кондратова һәм Татарстан Республикасы Икътисад министрлыгының ведомство буйсынуындагы оешмалар җитәкчеләре алда торган бәйрәм чаралары комплексы турында сөйләделәр.
“Татарстан Республикасы эшмәкәрлекне яклау фонды” ККК КБҖ генераль директорының беренче урынбасары - “Минем бизнес” Үзәге җитәкчесе Линара Борханова чаралар комплексына керә торган берничә вакыйга турында хәбәр итте, алар арасында 26 майда Казанда узачак “АЛГАритм” креатив һәм платформалы икътисад форумы да бар.
Форумның хедлайнеры Рәсәй язучысы, публицист һәм стратегик коммуникацияләр буенча эксперт Александр Цыпкин булачак. Вакыйга спикерлары арасында шулай ук стилист, дизайнер, блогер һәм телевидение алып баручысы, кием һәм бизәнү әйберләренең үз брендын булдыручы Гоша Карцев; Рәсәй маркетологы, язучы, спикер һәм консультант Роман Тарасенко; нейрочелтәрләр буенча эксперт, nda. агентлыгының креатив директоры, ex-Яндекс (Маркет, Дзен), ex-«Афиша» журналының баш мөхәррире Даниил Трабун һәм башкалар.
Сайтта алдан теркәлү буенча көндезге һәм онлайн форматларда катнашу бушлай (https://алга-форум.рф/).
Унберенче майда Казанда спорт-эшлекле чара - “Рәсәй эшмәкәрлегенә ярдәм итү өчен веломарафон” старт алды. 10 көнлек веломарафонның маршруты 12 шәһәр аша уза һәм Мәскәүдә тәмамлана. Чара бизнес-бергәлекләр арасында сәламәт яшәү рәвешен популярлаштыру, тәҗрибә уртаклашу, төбәкара эшлекле элемтәләрне ныгыту өчен үткәрелә.
Татарстан бизнес-бергәлеген агымдагы елның сентябрендә старт алачак “Гадел билге” системасында товарларны маркировкалау кагыйдәләрен бозуларны ачыклау процессын автоматлаштыруга әзерләү өчен 20 майда Казан Эшмәкәр йортында “Бизнес белән ачык диалог: 2026 елның сентябреннән маркировкасыз продукция саткан өчен авто штрафлар - штрафлар астына эләкмәс өчен нәрсә эшләргә” дигән семинар узачак.
Түләүсез чарада катнашу өчен сылтама буенча теркәлү узарга кирәк. Чара ТР Роспотребнадзор белән берлектә оештырылган.